Page 31 - Уйбаан Бахсылыырап. Сэрии кэмин оҕолоро - эйэлээх олох уустара

Бүөтүр биир уратытынан, кини 80 сааһыгар чугаһаан да баран тэлиэгэ-
лээх атынан уонтан тахсалыы көстөөх Бээрийэ, Тумул бөһүөлэктэригэр оло-
рор оҕолоругар баран хонон-өрөөн, хайдах олороллорун билсэн кэлэрэ буо-
лар. Бу уһун айаны эдэрдэр да тулуйаллара саарбах. Бүөтүр оҕолорун, сиэн-
нэрин көрөн, дуоһуйа сэлэһэн астынан кэлэрэ.
Аҕа табаарыспыт Бүөтүр Бөтүрүөбүс Бурунаһыап дьон бары таптаан,
ытыктаан ааттыырынан Бүөчүкэ, күлэ-үөрэ биһигини кытта өрүү баар кур-
дук. Үтүө киһини тыыннаахпыт тухары умнубаппыт!
Иван Окоемов, үлэ ветерана

НЭҺИЛИЭК КИЭН ТУТТАР ЫАЛА

Курбуһах нэһилиэгэ былыр-былыргыттан үлэһит, хоодуот дьонунан аата
ааттанар, сураҕырар. Сэбиэскэй Сойуус саҕана колхуос уонна сопхуос туту-
лугар бэйэлэрин харыстаммакка үлэлээбит, нэһилиэк сайдыытыгар дьоһун
кылааттарын киллэрсибит биир бастыҥ ыалынан Бурнашевтар дьиэ кэргэт-
тэрэ буолаллар.
Бүөтүр кыра эрдэҕиттэн тулаайах хаалан олох кыһалҕатын адьас эрдэт-
тэн билбитэ. Үөрэхтэн матан, колхуоска наар хара үлэҕэ сылдьан, дьылҕа
хаан ыйыытынан Мария Афанасьевналыын олохторун холбоон, 50-н тахса
сыл ыал буолуу үөрүүтүн, дьолун билбиттэрэ. Бу эйэлээх, үлэһит ыал 7 оҕоҕо
күн сирин көрдөрөн, элбэх сиэннэнэн, хос сиэннэнэн араас нэһилиэктэри-
нэн Бурнашевтар ааттарын тэниттилэр.
Мин интернат-оскуоланы бүтэрэн, орто үөрэхтэнэн баран 1973 с. “Лена”
сопхуос Курбуһахтааҕы отделениетыгар субай сүөһүнү көрөр хотоҥҥо тас
үлэһитинэн киирбитим. Бу хотоҥҥо сүөһү көрөөччүлэргэ старшайынан уонна
наставнигынан П.П.Бурнашев-Бүөчүкэ, бэйэтэ 60 борооскуну бүөбэйдээн,
үлэлиирэ. Бу хотоҥҥо үлэлиир усулуобуйа быстар мөлтөх этэ. Сүөһү иигэр-
сааҕар уста сылдьар муоста, имик-самык сырдатар аҕыйах электрическэй
лаампа, бүтүннүү сииктээх хотоҥҥо 4 бороон көрөөччү үлэлиирэ. Маннык
ыарахан усулуобуйалаах хотоҥҥо Бүөчүкэ борооскулара ураты уойуулаах буо-
лаллара. Кини сүөһүгэ биирдэ даҕаны хаһыытыы-ыһыытыы сылдьарын ис-
тибэтэҕим, эгэ атыттар курдук саах күрдьэр күрдьэҕинэн охсуо, кырбыа дуо,
суох буоллаҕа. Бүөчүкэ үөрэ-көтө, сүөһүлэрин наар таптыы, имэрийэ-томо-
руйа сылдьара. Ити кэмҥэ миэхэ, эдэр киһиэхэ, сүбэ-ама буолан элбэхтэ
көмөлөспүтэ. Сайынын Халарык Толооно сайылыкка, күһүнүн Өлөҥнөөххө
бэйэтэ баҕа өттүнэн отордоон, эбии аһылыгы бэлэмнээн сүөһүлэрин үрдүк
уойуулаах кыстыгы булларара. Онон Бүөчүкэ сирдээҕи анала сүөһү көрүүтэ
диэтэххэ алҕас буолбата буолуо. Кини сүөһү көрүүтүгэр туспа сылаас илии-
лээх дьонтон биирдэстэрэ этэ. П.П.Бурнашев “Лена” уонна “Сардаҥа” соп-
хуостар бастыҥ бороон көрөөччүтэ буолан хас да төгүл “Социалистическай
куоталаһыы кыайыылааҕа” ааты ылбыта. Ити эрээри Бүөчүкэ сороҕор бэйэтэ
да сонньуйан:
— Илиибит такырыйан, атахпыт тиэрэ барыар диэри үлэлээбиппит. Түөс
кэтит да, туох да суох... — диэхтиирэ. Кырдьык кини биирдэ даҕаны, тоҕо
эрэ улахан наҕараадаҕа тиксибэтэҕэ. Тоҕотун оччотооҕу кэм салайааччылара
билэн бараахтаатахтара. Арай биири сэрэйиэххэ сөп, билигин да, оччолорго
да салалтаны саҥарар, кириитикэлэһэр дьону сөбүлээбэттэр. Бүөтүр
Бөтүрүөбүс хотоҥҥо да, мунньахтарга да үлэ итэҕэһэн-быһаҕаһын салайаач-
чыларга өтөрү-батары этэр, саҥарар үгэстээҕэ. Бука ол кинини кылгас сон-

27