Page 35 - Уйбаан Бахсылыырап. Сэрии кэмин оҕолоро - эйэлээх олох уустара
P. 35
нашев-Бүөчүкэ, Маайа кэргэнэ, холоонноох доҕоро, эрэнэр эркинэ. Иккиэн
да олус үтүө-мааны үлэни эрэ өрө туппут үтүө-мааны дьон.
Мин Маайаны кэлии киһи буоларбынан оҕо, эдэр сааһын соччо билбэп-
пин. Арай кини олоҕун сорох түгэннэрин Маайа бэйэтин көрдөөх, күлүүлээх
кэпсээннэриттэн быһыта-орута билэбин уонна харахпар оҥорон көрөбүн.
Эдэркээн кыысчаан бэйэтиттэн хас да сыл аҕа Бүөчүкэ уолу хараҕынан хай-
ҕаан, сүрэҕинэн сөбүлээн лыахтыы дайа көппүтүн. Сахаларга мындыр этии
баар: “Дьылҕаҕыттан куоппаккын”, эбэтэр: “Сөбүлээтиҥ да сүгэһэрдээххэ”
— диэн. Ол курдук икки эдэр сүрэх бииргэ тэбэн, ыал буолан икки туруйа
уолу, биэс кыталык кыыһы төрөтөн, атахтарыгар туруоран, кинилэртэн эл-
бэх сиэннэрдэнэн, хос сиэннэнэн олох дьолун билэн бу орто дойду олоҕут-
тан арахсыбыттара.
Маайа кэлин интернат-оскуолаҕа үлэлээн куруук оҕо эйгэтигэр сылдьан
да буолуо, оҕолуу истиҥ иэйиилээх, сүрдээх көрдөөх-нардаах, бэтиэхэлээх,
кыраттан да оҕолуу үөрүнньэҥэ. Кими баҕарар кытта уопсай тылы була ох-
соро. Маайа сүрдээх иистэнньэҥ этэ, бука оччотооҕу интернат-оскуола оҕото
кини тикпит таҥаһын элбэҕи кэппитэ буолуо. Нэһилиэккэ, улууска ыытыл-
лар араас фестивалларга кэтиллэр таҥастар Маайа тигиитэ суох буолбатах
буолуохтаахтар. Маны таһынан Маайаны дэлэй-холой астаах хаһаайка бы-
һыытынан эмиэ билиниэххэ сөп. Нэһилиэккэ ыытыллар араас уопсастыбан-
най үлэҕэ Мария Афанасьевна кыайарынан эмиэ кыттыһан иһэрэ. Дьиэ бүппэт
түбүгүттэн хайдах быыс булан, бириэмэ аттарынан барытын ситиһэрин бэйэтэ
эрэ билэн бардаҕа. Бука кэргэнэ Петр Петрович киэҥ көхсө, үтүө өйөбүлэ
күүс-тирэх буолан эрдэҕэ.
Кинилэр хайдах эрэ бэйэ-бэйэлэрин ситэрсэн биэрэр курдуктара. Бүөчүкэ
Маайатын: “Мария Афанасьевна”, — диэн олус чиэстээн, ытыктаан истиҥ-
ник ыҥырара. Ыал ааттаахха итэҕэс-быһаҕас, араас түгэн син баара буолуо
даҕаны, ону кинилэр тас эйгэ олох билбэтин курдук тутталлара. Ол курдук
тастан көрүүгэ олус холку, уу нуһараҥ туох да кыһалҕата суох, көр-күлүү эрэ
аргыстаах ыал диэн санааҕа киириэххэ сөптөөҕө. Бу эмиэ тас эйгэҕэ тутта
сылдьыы үрдүк култуурата буоларын кэлин сааһыран эрэ баран өйдүүгүн.
Маайа кэлин балыыһаҕа үгүстүк эмтэнэр буолбута. Билигин киһи да
сонньуйар, Маайа балыыһаҕа киирдэҕинэ, биһиэхэ үлэһиттэргэ да, сытар
ыарыһахтарга да улахан сэргэхсийии буолара. Маайа хайдах да ыалдьа сытан
киһини күллэрэрэ, оннооҕор аттыгар сытар ыарыһах ыарыытын умнар,
үтүөрэр турукка киирэрэ. Көр, оннук туох эрэ киһини тардар сүдү күүстээҕэ
Бүөчүкэ Маайата. Олоххо маннык дьону айылҕа сэдэхтик бэлэхтиир!
Маайалаах Бүөчүкэ оҕолоругар, сиэннэригэр, хос сиэннэригэр бэриллэн
олорбут олохторо салҕана, үтүө ааттара үйэтитиллэ туруоҕа. Ол курдук аҕатын
аатын сүгэр Петр диэн уол үс оҕото үһүөн оскуоланы мэтээлинэн да бүтэр-
биттэрэ элбэҕи этэр. Маннык оҕолордоох ыал улууска, өрөспүүбүлүкэҕэ да
сэдэх буолуо. Арай спорт өттүгэр, бары киэн туттар дьоммутун Контоевтар
дьиэ кэргэттэрин ааттыахха, холобур оҥостуохха сөп.
Мария Афанасьевнаны кытта кылгас да кэмҥэ буоллар алтыһан ааспыт,
балыыһаҕа үлэлээммин кини олоҕун уһатыспыт киһи, кини кэпсээнин, сүбэ-
тин алгыс курдук санаан сүрэхпэр, дууһабар өрүү илдьэ сылдьабын!
Анна Михайловна Винокурова, Курбуһах
31
