Page 360 - Уйбаан Бахсылыырап. Сэрии кэмин оҕолоро - эйэлээх олох уустара
P. 360
киһиэхэ бу үрдүк аат иккитэ бэриллибитэ. Армия контрразведчиктара Порт-
Артуртан 35 км сиргэ, даачатыгар олордоҕуна атаман Семеновы тутан аҕалан
Читаҕа самолетунан ыыппыттара. Биһиги Порт-Артурга океан кытылын
үрдүгэр 158 №-дээх танканы уонна командарм «Виллис» диэн массыынатын
памятник быһыытынан туруоран хаалларбыппыт.
Биһиги армиябытын 1945 сыл бүтүүтүгэр дойдубутугар таһаарбыттара.
Дойдубутугар тахсан баран 208-с бригаданы полкаларга араартаабыттара. Би-
һигини 53-с танковай полк оҥорбуттара. Танкаларга самоходнай установка-
лардаах этибит. Соловьевс диэн станцияҕа олохсуйбуппут. Полк командиры-
нан түөрт Кыһыл Знамя уонна хас да атын орденнардаах гвардия полковнига
Горлач Иван Васильевич анаммыта. Мин 1950 сылга диэри сулууспалаабы-
тым, полковой оскуоланы бүтэрэн, сержант званиелаах орудие командира
буолбутум. Ити сыл муус устарга уоппуска биэрэннэр дьиэбэр айаннаабы-
тым. Иркутскайтан муус устар 17 күнүгэр ТС 62 бортовой 862 нүөмэрдээх
самолетунан көтөн иһэн, самолеппут умайбыта. Сүүрбэ киһиттэн уон киһи
тыыннаах хаалбыппыт, мин ити саахалга инбэлиит буоламмын салгыы ар-
мияҕа кыайан сулууспалыы барбатаҕым. Сулууспалаабыт армиям кэлин Днеп-
ропетровскай куоракка көспүтэ, билигин да онно баар. Мин 1988 сыллаахха
Сталинград, 1990 сыл Курскай куораттарга армия ветераннарын көрсүһүүлэ-
ригэр сылдьыбытым.
Самолекка умайыыбытыгар докумуонум барыта умайан хаалан өр кэмҥэ
сэрии ветерана буолбакка сылдьыбытым. Саҥа дөкүмүөн оҥорторорбор, бэл,
төрөөбүт ыйым кытта уларыйбыта. Билигин төрөөбүт күнүм алтынньы 20
күнүнэн сылдьар, тыыннаах хаалбыт дьон бары саҥа дөкүмүөммүтүгэр са-
молет командирын төрөөбүт күнүн туруортарбыппыт. Онон мин икки төрөөбүт
күннээхпин.
Сталинградка сырыттахпына батальонум штабын начальнига Панов Иван
Васильевич уонна биир ротаҕа сулууспалаабыт табаарыһым Заверцев Нико-
лай Изотович уонна армия ветераннарын Сэбиэтэ туоһулааннар, туруорсан-
нар, “Сэрии кыттыылааҕа” (ветерана) ааты ылбытым. Онтон сэрии сылла-
рыгар үчүгэй үлэм иһин “Үлэҕэ килбиэнин иһин” мэтээлинэн наҕараадала-
абыттара.
Мин сулууспалаабыт чааспар, үөһэ ахтыбытым курдук, сахалар үһүө эрэ
этибит. Мохначевскай Иван Иванович республика кылаабынай хирурунан
уһун сылларга үлэлээбитэ. Республика үтүөлээх враһа билигин Дьокуускайга
олорор, үлэлиир, Яковлев Василий Андреевич Дьокуускайдааҕы партийнай
оскуоланы бүтэрэн баран совхозка үлэлии сылдьан күн сириттэн эрдэ бар-
быта хомолтолоох. Мин культпросвет оскуоланы бүтэрэн баран, Уус-Алдан,
Средне-Ленскэй, Бүлүү оройуоннарыгар колхоз, совхоз, нэһилиэк араас орто
салайар кадрдарынан уһун сылларга үлэлээбитим.
Баҕа санаам Порт-Артурга баран «Танка» уонна «Виллис» массыына ан-
ныгар хаартыскаҕа түспүт киһи диэн.
Николай Васильевич Иванов,
сэрии кыттыылааҕа, СР бочуоттаах ветерана
356
