Page 358 - Уйбаан Бахсылыырап. Сэрии кэмин оҕолоро - эйэлээх олох уустара

ҕынан олохтоох суолталаах персональнай пенсионер буолбута уонна 1996
сылтан “Тыыл ветерана” дастабырыанньаны туттарбыттара.
Ааспыт үйэ олоҕун үөһүгэр сылдьыбыт Галина Дмитриевна Никифорова
ахтыытын маннык тылларынан түмүктүүр:
— Биһиги кырдьаҕас көлүөнэ дьон олохпут олох, үлэ үөһүгэр, оччотооҕу
кэм, политика ирдэбилигэр сөп түбэһэн, ис санаабытынан үлэлээн олорон,
кырдьык олоҕу уһансабыт диэн санаанан, коммунизмы тутабыт диэн ыралаах
олорон үлэлээн ааспыппыт. Ону олох кэмсиммэппин. Ол гынан баран итэ-
ҕэс да баара, ол сүнньүнэн хас биирдии киһи инициативата ааҕыллыбат,
барыта биир ыйыынан сылдьыллара, онтон туоруур сатаммат курдук этэ.
Билиҥҥи ыччаттарга ити итэҕэһи туоратан ким туох кыаҕынан, дьоҕурунан
үөрэнэр, үлэлиир көҥүл баар. Ыччаттар, кытаатан үөрэниҥ, төрөөбүт саха
тылгытынан саҥарыҥ, нуучча уонна омук тылын үөрэтиҥ. Оччоҕо хайа ба-
ҕарар сайдыыга өрө үүнүөххүт, культураҕа, наукаҕа, ырыынак дьиҥ иһин
билэн аһаҕастык кыттыаххыт.
Ол гынан баран киһи ханна да сырыттар оҕо сааһа ааспыт сирэ — бу
киһи аймах ситимэ, төрдө-ууһа! Ону хаһан да умнумаҥ, сыаналааҥ! Ыччат-
тарбар киһи аймах инникитин туһугар бары үчүгэйи баҕара хааллым.

Галина Дмитриевна Никифорова,
Лөгөйтөн төрүттээх Дьокуускай куорат олохтооҕо, 2000-2012 сс.

ОЛ ЫАРАХАН КЭМНЭРГЭ

Өрүү көрсөр, сэһэргэһэр, үлэбитигэр хардары-таары “эн-мин” дэһэн
өйдөһөр-өйөнсөр киһибэр, Уус-Алдан улууһун кииннэммит библиотекатын
тиһигин директорыгар В.Н.Окоемоваҕа: “Сэрии кэминээҕи көлүөнэ оҕолор
тустарынан кинигэ оҥоробун. Дьоҥҥун (төрөппүттэргин) киллэртэрбэккин
диэн көрдөспүтүм. “Ийэм, аҕам Уус-Алдантан
дуо, ахтыыта аҕал”, —
тэйбиттэрэ ыраатта... ” — диэн Варвара Николаевна бастаан утаа кэтэ-
мэҕэйдиэх курдук буолбута. Онуоха мин: “Сэрии саҕанааҕы көлүөнэ дьон
ханна да олорбуттарын иһин, олохторо кырдьыгынан кэпсэниэхтээх, үйэ-
титиллиэхтээх”, — диэбитим.
Онон билсиэҕиҥ Н.В.Иванов уонна М.Н.Корякина олохторуттан кыра
лоскуйдары.

Бэрт-Ууһун нэһилиэгэр төрөөбүт Н.В.Иванов 1941 сыл ыам ыйын 20
күнүгэр 14 сааһын томточчу туолбута. Оччотооҕу оҕо сиэринэн “улахан уол”
холкуос бары үлэтигэр сыстан, сэриигэ барбыт убайдарын солбуйан үлэ кы-
таанаҕын көрсүбүтэ. Аччык аҥаардаах үлэ үөһүгэр сылдьан Коля Иванов
1945 сыл 18 сааһын туолаат армияҕа ыҥырыллыбыта. Билсиҥ, сэрии кыт-
тыылааҕа, үлэ, тыыл ветерана Николай Васильевич Иванов бэйэтин ахтыы-
ларыттан кылгас түгэннэри.
Иосиф Семенович Портнягин ийэтэ Ульяна Николаевна уонна биһиги
ийэбит Варвара Николаевна бииргэ төрөөбүттэрэ. Кинилэр оҕо саастарын,
олох үөрүүтүн-хомолтотун, кыһалҕатын тэҥҥэ үллэстэн ыал буолан олор-
буттара. Иосиф Семенович ыал улахан оҕото буолан ийэтигэр тэҥҥэ көмө-
лөһөрө. Оскуолаҕа үөрэнэр сылларыттан үөрэҕэр дьулуурдаах, билиигэ-көрүүгэ
тардыһар, элбэх табаарыстаах, үгүс сэһэннээх этэ.
354