Page 364 - Уйбаан Бахсылыырап. Сэрии кэмин оҕолоро - эйэлээх олох уустара

эһэтин быһыытынан, таптыыр доҕорунаан, үйэ аҥаарыттан ордук кэмҥэ
“эн-мин” дэһэн олоҕун аргыһынаан Мария Николаевналыын этэҥҥэ оло-
роллор. Кинилэр кэлин үлэлээбит, сирин-уотун сөбүлээбит, дьонун-сэргэ-
тин убаастабылларынан туһанар Тылгыналарыгар аарыма улахан дьиэ тут-
тан, нэһилиэк биир сис ыалын быһыытынан ньир-бааччы сылаастык оло-
роллор. Николай Васильевич билигин төһө да 80 саастаннар, нэһилиэккэ,
улууска ыытыллар бары дьаһалларга уруккулуу эдэрдии эрчимнээхтик, актыы-
бынайдык кыттар, онон ыччаттарга холобур буолар киһи. Кинилэр оҕолоро
бары ыал бастыҥнара, оҕолор, сиэннэр үлэ, үөрэх үөһүгэр сылдьар дьоннор.
Улахан кыыстара Варвара Николаевна Окоемова төрөөбүт улууһугар Уус-Ал-
даҥҥа кииннэммит библиотека тиһигин директорынан хаһыс да сылын та-
һаарыылаахтык үлэлиир. Кини салайар тэрилтэтэ улууска биир биллэр-көстөр
үлэлээх бастыҥ тэрилтэ. Улахан уол Владимир Николаевич көмүс ууһа, кини
оҥорор кэрэ оҥоһуктара республикаҕа ыытыллар конкурстарга биллэр миэс-
тэни ылааччы.
Биир тылынан эттэххэ, Николай Васильевич саха киһитигэр биирдэ бэ-
риллэр олоҕун дьоһуннук, ханнык баҕарар олоххо буолар бары түгэннэрин
чиэстээхтик этэҥҥэ туораан кэллэ. Кини олоҕо, кырдьык, ыччакка холобур
буолар олох. Николай Васильевич, 90 сааскар диэри торуоска диэни тутума-
ар, 100 сааскар диэри сүһүөҕүҥ хамсаабатын! Оҕолоргун, сиэннэргин, хос
сиэннэргин үөрдэ-көтүтэ сырыт диэн алгыспытын тиэрдэбит.
И. Сивцев,
1969-1974 сс. «Степан Аржаков» совхоз
Чочутааҕы отделениетын управляющайа, үлэ ветерана

ЭҔЭРДЭНИ, МАХТАЛЫ, АЛГЫҺЫ КЫТТА

Бу күннэргэ төрөөбүт-үөскээбит, олорбут, үлэлээбит Иккис Чочум нэһи-
лиэгин дьоно-сэргэтэ сэбиэскэй былаас бастакы сылларыгар аһыллыбыт Ааҕар
балаҕан сельскэй кулууп буолбута 50 сылын үөрүүлээхтик бэлиэтииллэр.
Мин ханна да буолларбын, күндүтүк ахтар-саныыр, күн сирин көрбүт
дойдум — Уотту ол саҕана Сталин аатынан холкуос учаастага этэ. Ол саҕана
1951 сыл бэс ыйын 22 күнүгэр Уоттубар Ааҕар балаҕан сэбиэдиссэйинэн анам-
мытым. Ити кэмтэн 36 сыл устата идэ оҥостон өрөспүүбүлүкэм араас оройуон-
нарыгар илиибин араарбакка үлэлээбит олоҕум суола төрөөбүт-үөскээбит
Уоттубуттан саҕаламмыта.
Култуура анал үөрэҕэ суох киһи бастаан бэйэм тугу сатыырбынан, санаам
кыайарынан уонна саастыылаахтарым көх-нэм буоланнар үлэлээн барбы-
тым. Ааҕар балаҕаммытыгар үксүн кыра пьесалары, сценкалары туруорар-
быт, арыт концерт бэлэмниирбит. Биир да музыкальнай инструмент диэн
суоҕа, арай холкуоспут суотчута Иннокентий Иванович Протопопов бала-
лайкаҕа оонньуура. Оччолорго мин үөлээннээхтэрим бары да олус талааннаах
оҕолор этилэр.
Уус-уран самодеятельность араас көрүҥэр дэгиттэр дьоҕурдаах быраат-
тыы Петр, Николай, Иннокентий Корякиннар мин үлэбэр саамай тирэхтэр-
бинэн, көмөлөһөөччүлэрбинэн буолаллара. Таня Корякина, Елизавета Про-
топопова ыллыыр ырыаларынан истээччилэр куттарын олус туталлара, он-
нук үчүгэйдик ыллыыллара. Учуутал Веревкина Екатерина Прокопьевна
иилээн-саҕалаан туруорар пьесаларыгар сүрүн артыыстарынан Вера Коряки-
на, Максим Протопопов, Николай Корякин этилэр. Атын да оҕолор өрүү

360