Page 366 - Уйбаан Бахсылыырап. Сэрии кэмин оҕолоро - эйэлээх олох уустара

дьоҕурдаах ыччаттар кэлин идэлэрин сайыннаран дьону-сэргэни кэрэхсэтэр
үлэһит буолбуттарыттан астынабын, киэн туттабын.
Кулууп үлэтин киэҥ ис хоһоонун кылгас ахтыыга кыайан ситэн кэпсээ-
бэккин, сиһилии сырдаппаккын. Ааҕан сиппэт араас культурнай дьаһалларга,
күрэхтэһиилэргэ, көрүүлэргэ, фестивалларга биһиги кулууппут оройуоҥҥа
өрүүтүн да бастакы күөҥҥэ сылдьара. Гастроль бөҕөнү тэрийэн, үп-харчы
мунньунан кулууппут материальнай базатын хаҥата сатыырбыт, сценаҕа кэ-
тэр таҥас, көстүүм, музыкальнай инструмент ылынарбыт.
Биһиги кулууппутугар оройуоҥҥа бастакынан струннай оркестр баар буол-
бута. Оччотооҕу кэмҥэ Степан Аржаков аатынан совхоз сиригэр-уотугар баар
кулууптары совхозпут салалтата — директор Г.Ф.Корякин, партком секретара
В.Ф.Дорофеев, кылаабынай бухгалтер М.Е.Прокопьева, рабочком председа-
телэ В.С.Протопопов олус өйүүллэрэ. Итини тэҥэ нэһилиэк Сэбиэтин ис-
полкомун председателэ И.Н.Миронов, сэкирэтээрэ А.Ф.Мякишева кулууп
үлэтин сыаналыыллара. Төһө да үгүс сыл хаара ууллубутун иһин кинилэргэ
махталым хаһан да уҕараабат.
Саастаах уонна орто көлүөнэ доҕотторум нэһилиэк туох баар культурнай
мероприятиеларын актыыбынай кыттыылаахтара буолбуттарыгар күн бү-
гүнүгэр диэри махтанабын, сүгүрүйэбин. Ол курдук учууталлар М.П.Верев-
кина, П.И.Корякина, Л.Д. уонна В.П.Васильевтар саамай бастыҥ сүбэһиттэ-
рим, өйөөччүлэрим этилэр. Библиотекарь А.Д.Константиновалыын мэлдьи
биир санаалаах үлэлиирбит. М.Х.Исакова, И.И.Семенов, Н.В.Степанов, В.Н.
Иванов, В.Н.Егоров, Лида Корякина, Лида Миронова, Коля Семенов-Булчут
ханнык баҕарар концеры, биэчэри киэргэтэр ырыаһыттар этилэр. Оттон Ев-
гения Михайловна Семенова сценарийдара, конференсье быһыытынан ыытар
концертара мэлдьи сэргэх, үрдүк таһымнаах буолаллара. Киэн туттар оҕобут
Николай Константинов бу кэмҥэ айар талаана арыллыбыта, үгүс ырыалары
айбыта. Ол курдук “Баҕа санаа”, “Чинэкэбит кырдалынан” диэн саха ыччата
таптаан ыллыыр ырыалара күн сирин көрөн күөрэйэ көппүттэрэ. Тыа сири-
гэр бастакы "Чинэкэ уоттара” вокальнай-инструментальнай ансамбль тэрил-
либитэ. Борис Веревкин, Коля Константинов, Илья Дмитриев бастакы тэ-
рийээччилэр этилэр, кинилэр музыкальнай инструменнарын бэйэлэрэ баран
Москваттан аҕалбыттара. Үгүс оҕолору инструменнарга оонньуурга, доҕуһуол-
латан ыллыырга үөрэппиттэрэ. Икки Александр Корякиннар, Валентина,
Люция Николаевалар, Василий Корякин, Ирина Семенова, Владимир Коря-
кин, Вячеслав Илларионов, Владимир Орлосов, Валерий Егоров оркестрга
оонньуу, ыллыы үөрэ-көтө тураллара харахпар бу баар.
Оройуоҥҥа 1976 сыллаахха тыа сиригэр бастакы оҕо музыкальнай оскуо-
лата Чинэкэҕэ аһыллыбыта. М.М.Михайлова-Гуляева директорынан ананан
фортепиано кылааһын арыйбыта. Нөн үө сылыгар Ж.К.Чербохова-Корякина
баян кылааһын арыйбыта. Е.И.Кондакова тэрийбит “Алгыс” хоругар нэһи-
лиэк эдэр-эмэн олохтоохторо ыллаан-туойан оройуоҥҥа аатырбыттара. Куль-
тура үлэтигэр, дьон-сэргэ сынньалаҥын тэрийиигэ, талааннарын сайынна-
рыыга көх-нэм буолбут, бииргэ үлэлээбит кулуубум улуус биир бастын үлэ-
лээх культуратын тэрилтэтэ буоларыттан олус үөрэбин. Биир дойдулаахтар-
бын, биир идэлээхтэрбин кулууппут 50 сылынан истиҥник-иһирэхтик эҕэр-
дэлиибин уонна сир үрдүн бары үтүөтүн-кэрэтин, үйэлээҕин, үөрүүлээҕин
алгыыбын!
Мария Николаевна Корякина,
Тылгыны нэһилиэгэ

362