Page 368 - Уйбаан Бахсылыырап. Сэрии кэмин оҕолоро - эйэлээх олох уустара

Төрөөбүт алааспар

Оччугуй тулаайах бэйэбин Ахтылҕан аҥаардаах аһардым
Кыракый төгүрүк алааһым, Бу кылгас олохпун быһыыта,
Ийэбин-аҕабын солбуйан, Үлэни-олоҕу батыһан
Ииппитиҥ миигин бүөбэйдээн. Тэйэбин төрөөбүт алаастан.
Ол иһин өрүүтүн эн миэхэ Ардыгар мунчааран ылабын
Сүрэхпэр олус да чугаскын, Ийэтин ахтыбыт оҕолуу,
Күн сирин хайа да өттүттэн Харахпар өрүүтүн элэҥниир
Эйиэхэ илиибин уунабын. Эн көнө, ып-ыраас урсунуҥ.

1994 с.

«АЛЛО ЭҺЭЭМ» УОННА «АЛЛО ЭБЭЭМ»

Миигин биирдээхпэр кэлэн көрбүт уонна кэлин наар телефонунан эрэ
кэпсэтэн атаахтыыр хос эбэлээх эһэм ыраах Бүлүү Тылгынытыгар олорол-
лор. Мин кинилэри таптаан “Алло эбээ», «Алло эһээ” диэн ааттыыбын.
Алло эһэм Н.В.Иванов 12 бииргэ төрөөбүттэртэн соҕотох эрэ хаалбыт, атыт-
тара бары кыраларыгар өлбүттэр. Аҕата кини тоҕус саастааҕар өлөн, эһэбин
эбэлээх ийэтэ кыыстыы таҥыннаран ииппиттэр, онон эһэм уһун баттахтаах,
ытарҕалаах эбит. Ол да буоллар уол уола өтөн, кыра эрдэҕиттэн бултуу үөрэм-
мит. Кини тоҕус саастааҕар аан бастаан булка илдьэ сылдьыбыт чаачар саата
билигин кыыһа В.Н.Окоемова үлэлиир кэбиниэтигэр ыйанан турар. Эһэбит
сэрии кэмигэр үчүгэйдик үлэлээн “Аҕа дойдуну көмүскүүр Улуу сэрии 1941-
1945 сс. килбиэннээх үлэтин иһин” мэтээлинэн наҕараадаламмыт.
Эһэм 1945 сыл бэс ыйыгар армияҕа ыҥырыллан милитаристскай Япония
сэриилэрин утары кыргыһыыга сылдьыбыта. Кини Кытай норуотун босхо-
лоһон “Японияны кыайыы иһин” мэтээлинэн наҕараадаламмыт. Армияттан
төннөн иһэн самолет саахалыгар түбэспит. Онно элбэх киһи өлбүт, эһэбин
кытта аҕыйах киһи тыыннаах хаалбыт. Онон 1950 сыл муус устар 17 күнэ
эһэм иккис төрөөбүт күнэ. Сыл курдук госпитальга эмтэнэн баран эһэм дой-
дутугар кэлэн үөрэнэн үлэһит буолбут. Эһэ совхоз рабочкомунан, управляю-
щайынан, Сэбиэт председателинэн, онтон эбээбит библиотекарынан уһун-
нук үлэлээбиттэр. Мин ийэм эмиэ библиотекарь. Алло эбээ, Алло эһээ биэс
оҕолоохтор, уон икки сиэннээхтэр уонна биһиги, хос сиэннэр, уончабыт.
Хос эбэбит, эһэбит ыал буолан олорбуттара 55 сылын 2009 сыл ыам ыйын 30
күнүгэр бэлиэтээбиттэрэ.
Алло эбэ, Алло эһэ билигин да бэйэлэрин, сүөһүлэрин-астарын көрүнэн
олороллор. Алло эһэ сүөһүлэрин уулатарын “зарядкам” диэн ааттыыр. Сэ-
рии кыттыылааҕа элбэх наҕараадалардаах эһэм Н.В.Иванов Тылгыны (Бүлүү),
Бэрт-Ууһун (Уус-Алдан) нэһилиэктэрин бочуоттаах олохтооҕо. Алло эбээ
М.Н.Корякина — үлэ, тыыл ветерана. Кинилэр биһиги үтүө сүбэһиттэрбит,
элбэх ыччаттардаах үтүө-мааны саха ыала.
Улуу Кыайыы 65 сыллаах үбүлүөйүн көрсө Россия Президенэ Д.Медве-
дев ыйааҕынан, эһэбэр Дьокуускайга толору хааччыллыылаах таас дьиэ биэр-
биттэрэ.
Наташа Окоемова, Мүрү 2-с орто оскуолатын
6-с кылааһын үөрэнээччитэ

364