Page 367 - Уйбаан Бахсылыырап. Сэрии кэмин оҕолоро - эйэлээх олох уустара

Мария Николаевна Корякина араас сылларга сурэҕэ иэйбитин, дууһа-
та долгуйбутун хоһоон оҥорон сурукка туһэрбит эбит. Ол хоһооннортон
сорохторун билсиэҕиҥ.

Ханна көрдүм этэй?

Хаамтаҕына субуллар
Хара уһун суһуохтаах,
Халлаан курдук арылхай
Хара-хара харахтаах.
Маннык кыыһы, эйиигин,
Ханна көрдүм этэй мин?
Биитэр холкуос ыһыаҕар
Үҥкүүлээбит кыыскын бу?
Биитэр холкуос титиигэр
Ынах ыабыт кыыскын бу?
Маннык кыыһы, эйиигин,
Ханна көрдүм этэй мин?
Халдьаайыга, куулаҕа
Дьэдьэн үргүүр кыыскын бу?
Биитэр бэйэм ырыабар
Көстөн ааһар кыыскын бу?
Маннык кыыһы, эйиигин,
Ханна көрдүм этэй мин?

Уус-Алдан, Сыырдаах, 1963 с.

Бэрдьигэстэр
Улуу Кыайыы 60 сылыгар
Бэрдьигэстэр, бэрдьигэстэр
Мээнэ мастар буолбатаххыт,
Үрдүк сири талаҥҥыт
Үмүөрүһэн үүммүккүт.
Олус-олус кэрэхсээн
Одуулаһаммын турабын,
Оҕо сааспын санааммын
Долгуйабын, үөрэбин.
Уоттаах сэрии кэмигэр,
Сут-кураан дьылыгар
Үтүөҕүтүн өйдөөммүн —
Кэрэхсии, сэҥээрэ көрөбүн.
Мааны аска холуйан
Остуол тула олорон
Үссэнэрбин санааммын,
Үөһээ тыынан ылабын.
Тылгыны, 2005 с.

363