Page 373 - Уйбаан Бахсылыырап. Сэрии кэмин оҕолоро - эйэлээх олох уустара

Мария Николаевна
Акулина Николаевна,
Аграфена Николаевна

Ийэбит аҕата, эһэбит Местни-
ков Николай Петрович, норуокка
биллэринэн Нюодьуска Уола-Олоҥ-
хоһут Ньукулай 1959 с. 104 сааһы-
гар олохтон барбыта. Ийэбит ити
сыл, аҕата өлүөн эрэ иннинэ хара-
ҕын эпэрээссийэлэтэн тахсан, ула-
хан халыҥ таастаах ачыкынан кө-
рөр буолбута. Кини ону: “Иккис-
тээн төрөөтүм”, — диэн үөрэ-көтө этэрэ. Онон ийэбит баар суох сүгүрүйэр,
ытыктыыр дьоно маҥан халааттаах аанньаллар — быраастар. Аҕата кыыһа
көрөр буолбутун чахчы билэн, итэҕэйэн санаата дуоһуйан бараахтаабыта.
Ийэбит көрөр буолан баран, чэпчэки үлэҕэ, госинтэринээккэ таҥас суу-
йааччынан, остуораһынан өр сылларга үлэлээбитэ. Кини билигин этиллиби-
тин курдук, төрөөбүт Бахсытыгар, соҕотох мааны кыыһыгар Мария Иванов-
наҕа кыра оҕолуу бүөбэйдэтэн, маанылатан 84 сааһын томточчу туолан оло-
рор. Өссө да уһуннук олор дуу, Күн Күбэй ийэбит барахсан!

Хаачыстыба хаата

Утуйар уугун, сынньанаргын умнаҥҥын
Дьиэҕэр да көстүбэт үлэһит этиҥ,
Муҥ саатар, эн үлэһит аатыҥ,
Бу бүгүн үөлээннээхтэргинээн тэҥҥэ ааттаннын!

Аҕабыт И.С.Попов Бахсыга Соҕуруу Көрдүгэннээх алааска 1927 сыллаах-
ха төрөөбүт. “Тыыннаах тулаайаҕа” диэн тыл баар. Бу тыл биһиги аҕабыты-
гар сыһыаннаах. Ийэтэ Оконешникова Хобороос уола уонун да туола илиги-
нэ, кэргэниттэн Ыстапаан Боппуоктан арахсан, уолун эригэр хаалларан, Мэҥэ-
Ханаласка Дьабыыл нэһилиэгэр Стручков Түмэппий диэн киһиэхэ эргэ бар-
быт. Онно тиийэн уоллаах кыыс оҕоломмут. Мин ыал улахан оҕото, убайбын
Миитэрэйи, эдьиийбин Маайыһы кытары алта уонус сыллар бүтүүлэрин
саҕана билсибитим. Билигин иккиэн суохтар, онон саҥаспын Балбаараны
уонна оҕолору кытта сибээстэһэбин.
Эһэбит Ыстапаан Боппуок сэрии буолар сылыгар 14 сааһыгар сылдьар
уолун Уйбааны илдьэ Охотскай Перевоһунан Ааллаах-Үүн таһаҕаһыгар тах-
сыбыт. Онтон үргүлдьү Булуҥҥа балык булдугар барбыт. Инньэ гынан уолун
таһаҕасчыттары кытта төттөрү дойдутугар ыыппыт. Аҕабыт, Иван Степано-
вич, ыаллыы Алаҕар нэһилиэгэр Лампаарыкыга ийэтин убайыгар Оконеш-
ников Бүөтүргэ кэлэн илии-атах үлэһит буолан иитиллибит. Ол курдук хол-
куоска үлэлии сылдьан ийэбитинээн 1947 сыллаахха ыал буоланнар, эһиил-
гитигэр миигин төрөппүттэр.
Аҕабыт биһиги оҕо эрдэхпитинэ Илин Көрдүгэннээх, Хомустаах, Күөх
Оттоох, Харбаҕы, Сис, Толоон, о.д.а. атын кыстык фермаларыгар үстүү
оҕуһунан от тиэйэрэ. Кини оннук сорсуннаах булчут да буолбатар, от тиэйэ

24 Заказ № 52
369