Page 387 - Уйбаан Бахсылыырап. Сэрии кэмин оҕолоро - эйэлээх олох уустара

Н.Н.Местников
рес публ икатааҕы
холкуостаахтар
конференцияларын
делегата.
1969 с.

Таайым үлэни өрө тута сылдьан бэйэтин тус олоҕун хойукка диэри оҥостуба-
тах киһи этэ. Ол эрээри дьылҕа хаан ыйааҕа диэн баарынан, таайым 39 саа-
һыгар сылдьан 7 оҕолоох огдообо хаалбыт дьахтары кытта олоҕун холбоон,
Бахсы нэһилиэгин бары дьонун соһуппута. Дьиҥэр, бу туһугар эмиэ хорсун
быһыы этэ.
Саҥаспыт Клавдия Петровна Попова Нам улууһун Бастакы Хомустааҕар
1933 сыл алтынньы 5 күнүгэр күн сирин көрбүтэ. Аҕата Петр Васильевич
Попов 1901 сыллаахха төрөөбүт, саҥа олоҕу, сэбиэскэй былааһы уруйдуу
көрсүбүт киһи, үрүҥ бандьыыттары утары саа саадах тутан кыргыспыт эбит.
Аҕа дойдуну көмүскүүр сэриигэ үлэ фронугар сылдьыбыт. Петр Васильевич
сэрии инниттэн холкуос бырабылыанньатын бэрэссэдээтэлинэн, сэрии кэн-
ниттэн маҕаһыыҥҥа атыылааччынан үлэлээн пенсияҕа тахсыбыт. Кини Гор-
най Атамайыттан төрүттээх Варвара Дмитриевна диэн дьахтары кытта оло-
ҕун холбоон үс оҕоломмуттар.
Уоллара Аркадий 1929 сыллаахха төрөөбүт. Кини киһи буолан агроном
үөрэҕин бүтэрэн хас да сыл идэтинэн үлэлээбит, кэлин пенсияҕа барыар
диэри трактористаабыт. Аркадий Петрович Клара Яковлевна диэн сахатый-
быт олохтоох нуучча кыыһын ылан 10 оҕону төрөппүттэрэ, элбэх ыччаттар-
даах дьон. Саҥаспыт балта Варвара Петровна кэргэнинээн Семенов Егор
Илларионовичтыын 6 оҕоҕо күн сирин көрдөрбүттэрэ. Егор Илларионович
бастакы идэтэ киномеханик этэ, кэлин МТС-ка слесарь-наладчигынан үлэ-
лии сылдьан хараҕынан инбэлиит буолбута. Билигин кыра кыыһыгар оло-
рор. Варвара Петровна алта оҕотуттан үһэ оһолго суорума суолламмыттара.
Бу төрөппүт ийэҕэ олус улахан ыар охсууну оҥорбута, киһини кэбирэппитэ.
Варвара Петровна пенсияҕа тахсан баран, оҕолорун аһыытыттан, күн сирит-
тэн эрдэ бараахтаабыт.
Саҥаспыт Клавдия Петровна 1953 сылтан Намҥа сэллиги эмтиир ба-
лыыһаҕа үөрэнээччи сиэстэрэнэн үлэтин саҕалаабыт. Кини бастакы кэргэ-
нинээн К.С.Поповтуун 1956 сыллаахха ыал буолбуттара уонна 1960 сылтан
Бахсыга кэргэнин Попов Константин Степанович дойдутугар сүктэн кэлби-
тэ. Саҥаспыт кэлээт балыыһаҕа, медпуҥҥа сиэстэрэнэн үлэлээн 1984 сыллаах-
ха пенсияҕа тахсыбыта. Кини Константин Степановичтан 5 уол, 2 кыыс
оҕону төрөппүтэ. Кэргэнэ трактористыы сылдьан 1968 сыллаахха оһолго
өлбүтэ.

383