Page 388 - Уйбаан Бахсылыырап. Сэрии кэмин оҕолоро - эйэлээх олох уустара

Таайым Бахсыга биригэдьиирдии сылдьан уу-кырбас элбэх оҕолоох аҥаар-
дас дьахтар олоҕо ыараханын, элбэхтэ эрэйдэнэрин көрөн, 1970 сыллаахха:
“Холбоһуохха!” — диэн тыл көтөхпүт. Онтон ыла түөрт уонтан тахса сыл уу
СҮҮРҮГҮНҮҮ суккуллан ааһа оҕуста. Николай Николаевич уонна Клавдия Пет-
ровна эбии үс оҕоҕо күн сирин көрдөрөн, саҥаспыт Клавдия Петровна «Ге-
рой ийэ» бочуоттаах аатын ылбыта.
Саҥаспыт К.П.Попова этиллибитин курдук, Толоон учаастагар сиэстэ-
рэнэн үлэлээн, эмчит суоҕар элбэх кырачааннарга бастакы көмөнү оҥорбу-
та, сорохтору улахан да ыарыылартан быыһаабыт үтүөлээх. Кини ол оҥор-
бут үтүөтүн өрө тутан кэпсэнэ сылдьыбатах, чуумпу, сэмэй майгылаах киһи.
Онтон таайым Н.Н.Местников уон оҕотугар барыларыгар эт илиитинэн сүгэ
тутан дьиэ-уот оҥорон биэрбитэ, бэйэтин уһаайбатыгар үс дьиэлээх. Дьом-
мут тэлгэһэлэригэр сайын ахсын элбэх сиэн (хос сиэннэрдиин отуттан тахса)
чуор саҥата чугдаарар, бу эһэлээх эбэ үөрүүлэрэ, дьоллоро.
Дойдум дьоно, төрөөбүт түөлбэм ыччаттара, ааспыт олоххо үлэлээн-хам-
саан кэлбит сааһырбыт көлүөнэни ытыктыы үөрэниҥ! Ытыктыыр дьонум,
таайым Николай Николаевич, саҥаһым Клавдия Петровна, Улуу Кыайыы 70
сыллаах өрөгөйдөөх үбүлүөйүн чэгиэн-чэбдик сылдьан этэҥҥэ көрсүҥ диэн
алгыс арыылааҕын аныыбын!
Иван Попов,
Бахсы-Толоон, 2004-2012 сс.

ОЛ05У СЫАНАЛЫЫРА, ӨТӨ КӨРӨРӨ

Улуу Кыайыы 65 сыллаах өрөгөйдөөх үбүлүөйүн
сир дойду ахсын үрдүк таһымнаахтык бэлиэтээтибит.
Ол эрээри хас сыл ахсын уоттаах сэриигэ кыттыбыт-
тар кэккэлэрин сэргэ, сэрии кэмигэр тыылга үлэлээ-
биттэр, сэрии кэмин оҕолоро, сэрии буойунун тула-
айахтара эмиэ көҕүрүүллэр. Дьиҥэр кинилэр, сорох-
торо саҥа 70 саастара буолан эрэр уонна 70-нарын
ааспыт дьон, өссө да олох олоро түһүөхтэрин сөп этэ
эбээт!
Ону баара хара дьайдаах сэрии, кини тэбиитэ
үгүстэрин оҕо, эдэр саастарыттан аһаах, ыарыһах
оҥортоон кылгас үйэлээтэ. Биир оннук киһинэн убай-
ым кэриэтэ истиҥник саныыр, төрөөбүт Бахсытын
туһугар эрэ буолбакка, бүтүн сахатын норуотун инники кэскилин туһугар
өйүнэн, сүрэҕинэн, үлэтинэн барытынан дьиҥ-чахчы турууласпыт Егоров
Гаврил Фомич ааспыт сылга сүрэҕин ыарыытынан эмискэ охтубута.
Төрөөбүт Сахабыт сиригэр биирдиилээн да буоллар, кини курдук патрио-
тическай өйдөөх-санаалаах дьон баалларын дөрүн-дөрүн хаһыаттарга ааҕабын,
араадьыйаҕа истэбин. Кинилэр үксүлэрэ биһиги аттыбытыгар сылдьан үлэ-
лээбит-хамсаабыт, “үтүө” диэбит санааларын, үлэлэрин өрө туппут дьону-
нан буолаллар. Хомойуох иһин, кинилэр үгүстэрэ баалларыгар “сээн” дэм-
мэттэр, онно наадыйбат да курдуктар. Ол эрээри киһи үлэтин, киһи бэйэтэ
баарыгар сыаналыыр, кини туһунан ис сүрэхтэн тахсар истиҥ тылы эппэккэ
хааларбыт, “чэ, бэйи, кэлин этиллиэ” диирбит баар ээ!
Орто дойдуга кэлбит дьон бары төрөппүттэрдээхпит. Онон бу суруйуубар

384