Page 389 - Уйбаан Бахсылыырап. Сэрии кэмин оҕолоро - эйэлээх олох уустара

сэрии тулаайаҕа Гаврил Фомич ийэлээх аҕатын ахтан аһарарым сиэрдээх
буолуо.
Г.Ф.Егоров Ытык Бахсыга Фома Николаевич уонна Татьяна Ивановна
Егоровтар диэн холкуостаах хоһууна дьоҥҥо 1940 сыл алтыс оҕонон төрөөбүтэ.
Сэрии сылларыгар кэргэнин уоттаах сэриигэ атаарбыт, Татьяна Ивановна
Августа диэн кыыһын, Степа диэн уолун сут-кураан, аччык аҥаардаах олох
тэбиитигэр былаҕайга былдьаппыта. Онон убайа Дьөгүөр, эдьиийдэрэ Арып-
пыана, Харытыанньа уонна кини дьон буолбуттара. Аҕалара Фома Николае-
вич Егоров 1942 сыл аармыйаҕа ыҥырыллан, немец халабырдьыттарын кыт-
та эрдээхтик охсуһа сылдьан, сэрии толоонугар 1945 сыл тохсунньу 15 күнүгэр
Венгрияҕа Левош куорат көмүскэлигэр геройдуу охтубута. Онон Татьяна Ива-
новна элбэх оҕолоох аҥаардас дьахтар, сааһын тухары огдообо хаалан, соҕо-
тох дьахтар олоҕо хайдахтаах курдук кураһын, ыараханын барытын билбитэ.
Ганя ийэтигэр олус ытыктабыллаахтык сыһыаннаһара. Мин ону кини-
лэр Бахсы Толоонугар, Уус-Алдан Бороҕонугар да олордохторуна элбэхтэ
көрбүтүм. Ийэтэ сэрии сылларыгар холкуоска от-мас уонна сүөһү үлэтигэр
пенсияҕа тахсыар диэри үлэлээбитэ. Кэргэнин Фома Николаевич Егоровы
уоттаах сэриигэ атаарыаҕыттан, аччыгый уолун Ганяны курданарыттан төгүрүк
остуол атаҕар баайа-баайа, арыый улахан оҕолоругар: “Ытаатаҕына эмсэҕин
биэрээриҥ”, — диэн үлэлии барара. Дьон таптаан ааттыырынан, Татыйыа-
на, фермаҕа ыанньыксыттыыра, ол быыһыгар ходуһаҕа киирэн от мунньан
элэҥнэтэрэ, бугул туруорара. Хас да буолан дьукаахтаһан олорор ыалларга,
сэрии кэминээҕи кыра оҕолор үксүлэрэ, бу Ганя уол курдук көрүллэн-харал-
лан улааппыттара. Татыйыана бэйэтэ үөрэҕэ суох буолан, төһө да сэриигэ
кэргэнин сүтэрэн соҕотох хааллар, оҕолорун үөрэттэрэ сатаабыта. Чуолаан
кыыһа Аграфена Фомична учуутал, кыра уола Гаврил Фомич учуонай-зоо-
техник идэтин ылбыттара.
Ол курдук Г.Ф.Егоров 1970 сыл Дьокуускайга СГУ тыа хаһаайыстыбатын
факультетын зоотехническай отделениетын үөрэнэн бүтэрээт, төрөөбүт дой-
дутугар Чурапчыга “Карл Маркс” холкуоска кылаабынай зоотехнигынан уонна
холкуос бырабылыанньатын бэрэссэдээтэлин солбуйааччынан үлэлии тах-
сыбыта. Оччолорго билиҥҥи Алаҕар уонна Бахсы нэһилиэктэрэ холбоһон
биир нэһилиэк буолан олороллоро. Онон холкуос да сирэ-уота киэҥэ, сүөһүтэ-
аһа да элбэҕэ. “Карл Маркс” холкуоһу учуутал идэлээх, фронтовик Василий
Сергеевич Лыткин салайара. 1971 сыл түмүгүнэн холкуоска 1619 ынах сүөһү
630 сылгы баара. Холкуос ити сыллааҕы үлэтин отчуотуттан, үүт ыаһынын
туһунан Гаврил Фомич маннык суруйан хаалларбыта баар:
— Үүтү ыаһыҥҥа бастакы биригээдэҕэ 12, иккис биригээдэҕэ 15 ыанньык-
сыт үлэлээтэ. Үүтү ыаһын былаанын 99,3 % тиэртибит. Былааны 4 эрэ тон-
нанан толорботутут. Үүтү ыаһыҥҥа — бастакы биригээдэҕэ 3 эрэ доярка
былаанын толордо: Попова Т.Н, Макарова Т.Х, Сергучева И.С. Иккис бири-
гээдэҕэ биригэдьиир Местников Н.Н. балачча тэрийэр үлэни ыытан үүккэ
былаан 110% туолла. Биир фуражнай ынахтан 1477 кг үүтү ыан, валовойунан
380 т ыатылар. Үлэ Кыһыл Знамята орден кавалера Слепцов В.Ф. биир фу-
ражнай ынахтан 2015 кг ыан оройуоҥҥа бастыҥнар ахсааннарыгар таҕыста.
үүтү элбэҕи ыаһыҥҥа дулҕаны кырбаан сиэтии улахан оруолу ылар. Бастыҥ
дояркалар бэйэлэрэ илиинэн кырбаан үүттэрин ыамын биллэрдик үрдэтти-
лэр. Дулҕаны тракторынан кырбатыыны тэрийэр наадата үөскээтэ.
Кыра Ганя оҕо эрдэҕиттэн холкуостаахтар хара үлэни эт илиилэринэн
эрэ үлэлииллэрин көрөрө. Ол инниттэн өрүү кинилэр үлэлэрин ханныктык
эмэ чэпчэтэр сыаллаах үлэ механизацияланарын толкуйдуу сылдьар үгэс-
25 Заказ № 52
385