Page 56 - Уйбаан Бахсылыырап. Сэрии кэмин оҕолоро - эйэлээх олох уустара

Аны сэргэ оҥоһуутунан утумнаахтык дьарыктанан улуус нэһилиэктэрин
ыһыах ыһар сирдэригэр, “Доҕордоһуу” музейыгар барыта 40-н тахса араас
хабааннаах сэргэлэри оҥортоотум. Онон, бу үлэлэрбин барытын сыаналаан
буоллаҕа буолуо, 2003 с.“Норуот маастара” ааты-суолу уонна “Мастер педа-
гог” званиены иҥэрбиттэрэ. Ити курдук 40 сьш устата учуутал быһыытынан
эҥкилэ суох үлэм бэлиэлэрэ ити үөһэ ааттаммыттартан ураты “СР үөрэҕири-
итин туйгуна”, улуус, нэһилиэк, оскуола “Лидер учуутала” ааттары ылыым
буолар. Үс төгүл үөрэх министерствотын, үөрэх профсоюһун, улуус, оскуола
дьаһалталарын 80-ча Бочуотунай грамоталарынан, уонча анал номинацияла-
рынан, “Уус-Алдаҥҥа үөрэх сайдыытыгар кылаатын иһин”, “Педагогичес-
кай үлэ ветерана” анал знактарынан бэлиэтэммитим. Нам педучилигцетыгар
төһө да үөрэхпин кыайбакка төнүннэрбин, кэлин бэйэм билиибин-көрүүбүн
(ааҕыы, дьарыктаныы түмүгэр) сайыннаран, 1974 с. ДьПУ-ны, 1992 с. түргэ-
тэтиллибит курсу, 2007 с. СГУ национальнай култуура салаатын 65 сааспар
үөрэнэн бүтэрбитим. Маны таһынан 10-н тахса билиини үрдэтэр араас кур-
старга үөрэммитим.
Тустаах үлэм учуутал да буоллар, үлэлээбит сылларым (50 сыл) усталаах-
туоратыгар искусствоттан, уус-уран көрүүлэртэн, быһаччы эттэххэ култуура
үлэтиттэн биирдэ да туора турбатаҕым. Биһиги улууспутугар 1982 с. мелоди-
стар түмсүүлэрэ тэриллибитэ. Мин ити сылларга хас да ырыаны айбытым.
Мелодистар түмсүүлэригэр бастаан алтыа эрэ этибит, билигин 40-н тахса
ырыа айааччы баар буолла. Бу түргэн тэтиминэн барбыт улахан сайдыы бэ-
лиэтэ.
Мин республика ырыаһыттарыгар, кинилэр толорууларыгар барылары-
гар кэриэтэ биллэр икки ырыалаахпын. Ол Петр Тобуруокап “Дорооболо-
руҥ, Маарыйалар” хоһоонугар уонна Степан Дадаскинов тылларыгар “Мин
ырыа кэһиилээх кэлиэҕим” диэн ырыалар. Бу бэйэм айбыт элбэх ахсааннаах
ырыаларбыттан “соморуодактара” буолаллар. Ырыаны толорорум таһынан
тойугу, норуодунай ырыалары, оһуокайы өрө тутабын. Арай аныгылыы эст-
раднай ырыалары кыайан ыллаабаппын, бу эдэр көлүөнэ ырыата миэхэ кыа-
йан ылламмат. Бэйэм толоруубар тоҕус ырыам республика радиотын фонда-
тыгар харалла сытар, ол ырыалар сөп буола-буола эфиргэ тахсаллар. Хас да
ырыам “Мүрү саһарҕата”, “Эҥсиэли хочото” уонна республика хаһыаттары-
гар бэчээттэнэн дьон билиитигэр тарҕаммыта.
Искусство-култуура эйгэтигэр син элбэҕи ситистим. Ол курдук улууспар
уонна республикаҕа ырыаһыт, мелодист, самодеятельнай композитор, оһуо-
кайдьыт, тойуксут, алгысчыт, сценическэй искусство ветерана дэнэн биир
идэлээхтэрбинээн аатым тэҥҥэ ааттанар. Ол да иһин буоллаҕа үлэбин үр-
дүктүк сыаналааннар “СР култууратын туйгуна”, “Уус-Алдан улууһун култу-
уратын сайдыытыгар кылаатын иһин” анал знактарынан бэлиэтээбиттэрэ.

* * *

Түмүкпэр манныгы бэлиэтиэхпин баҕарабын. Сэрии кэннинээҕи олох
үлэни кыайбат, тулаайах дьоҥҥо чахчы да ыар этэ. Таҥнар таҥас быстар
мөлтөҕө, аһыыр ас да кырыымчыга. Онон сэрии кэмигэр төрөөбүт оҕолор ас-
таҥас кыһалҕатын эттээх-хааммытынан билэн улааппыппыт. Сэрии саҕана,
сут-кураан сылларга хайдах тыыннаах ордубуппутун, эрдэ аҥаардас хаалбыт
күн күбэй ийэм уонна миигин аан бастаан көтөхпүт эдьиийим Клара кэпсээн-
нэринэн уонна кэнники бэйэм анааран көрүүлэрбинэн өйдөөтөххө маннык
эбит.
Аҕабыт Уйбаан Буурсап армияҕа барар сааһа тахсан уонна уҥа хараҕа

52