Page 63 - Уйбаан Бахсылыырап. Сэрии кэмин оҕолоро - эйэлээх олох уустара

рулла илик. Сэрии кэмигэр биһиги Сахабыт сиригэр 16,3 тыһыынча киһи
хоргуйан өлбүтэ, аас-туор олох аргыһа — сэлликтэн, ыар үлэттэн икки итич-
чэ киһи тыына быстыбыта. Бу туһунан суруллуохтаах, история эргиччи то-
лору кырдьыгынан көрдөрүллүөхтээх”.
Оттон саха биир биллиилээх поэта Рафаэль Баҕатаайыскай “Үҥэр таҥа-
рам” одатыгар суруйбут строкаларын хайа киһи долгуйбакка аахпат буолуо-
ҕай?
Түөрт уон биирис сыллааҕы
Түрбүөннээх сэрии саҕана
Колхозтаах киһи хоргуйан
Хотоҥҥо, суолга охторун
Хото билбит буоламмын дуу, —
Ийэ киһи оҕотун эмиийдии олорон
Имэ көҕөрбүтүнэн туймааран барбытын
Илэ харахпынан көрбүт буоламмын дуу, —
Аччыктааһыны тус бэйэм көрсөн,
Алыс айманан, олус уйадыйан,
Алларыйа өйдүүрбүттэн дуу, —
Буутунан көмүстээҕэр, алмаастааҕар
Букатын күндүгэ, “сыаната биллибэт сыҥ хааһахха”,
Бурдукка сиргэ тиийэ сүгүрүйэбин!
Хомойуох иһин, Кустуров, Баҕатаайыскай курдук журналистар, суруйаач-
чылар олох аҕыйахтар. Баары кырдьыгынан кэпсииртэн билигин даҕаны тоҕо
эрэ туттунабыт, туохтан эрэ сэрэхэдийэбит, толлобут. Дьыл-хонук аастаҕын
ахсын ол кэмнэр тыыннаах туоһулара аҕыйаан иһэллэр. Кинилэр кэпсээннэ-
рэ кэнчээри ыччакка кырдьыктааҕынан тиэрдиллиэхтээх. Бүгүн хайдах-туох
олоххо кэлбиппит, баҕар кырдьыгы саба баттаан, баай-талым олох өрүүтүн
баар этэ диэн өйдөбүлү үөскэппиппититтэн уонна билигин даҕаны оннук
саныырбытыттан буолаарай?
Улууспут кырдьаҕас уонна 60 саастарын ааспыт көлүөнэ дьону барыла-
рын сэрии тыына таарыйбыта саарбаҕа суох. Ол эрэн этэн аһарбытым кур-
дук ааспыт сэрии, сут-сутурҕан сылларын, ол кэмнэр ыар үлэлэрин ис дьи-
ҥинэн кэпсиир киһи олус аҕыйаата.
Бүгүн Лөгөй нэһилиэгин төрүт олохтооҕо, сэрии саҕана улахан дьону
кытта тэҥҥэ үлэлээбит, эрэйи-муҥу көрбүт, үлэ-тыыл ветерана, колхуоһу-
най-сопхуоһунай тутул бастыҥ үлэһитэ Иван Иванович Новгородов оччо-
тооҕу олохтон кэпсээнин бэчээккэ таһаарабыт.
Уйбаан Бахсылыырап,
“Мүрү саһарҕата”, 1999 с., тохсунньу 19-23 кк.

ХАРААСТЫЫ
(Олоххо буолбут түбэлтэ)

Саас аайы кус көҥүллэниитэ сааспыт тухары бииргэ бултаабыт Ньукулай
биһиэхэ кус баар буоллун, суох буоллун бырааһынньык кэриэтэ буолара.
Билигин уу-хаар уларыйан, көтөр да аччаан турар. Ол эрээри биһиги икки
оҕонньоттор этэҥҥэ сыл таҕыстарбыт эрэ саас дурдаҕа сытар үгэстээхпит.
Дурдаҕа киирэн сытан баран куолубутунан түүнү барааммыт ону-маны кэп-
сэтээччибит.

59