Page 77 - Уйбаан Бахсылыырап. Сэрии кэмин оҕолоро - эйэлээх олох уустара

гар бастакынан уһуйбут Михаил Антонович Алексеевтыын 30 сыл устата бииргэ
бултаабыттарын астынан ахтар: “Булпут оччолорго үксүн тииҥ, кырынаас
буолара. Мэхээлэ оҕонньор хайа кэмҥэ, ханан тииҥ олорорун эндэппэккэ
билэрэ уонна миигин онно үчүгэйдик үөрэппитэ. Кыһын устата икки сүүстэн
тахса тииҥи уонна 70-80 кырынааһы бултаан киирэрбит. Мин бастакы сыл-
ларга үөрэнээччи буоламмын хамнас үс гыммыт бииригэр сылдьарым. Сэ-
рии сылларыгар сайыҥҥы кэмҥэ Алдан өрүс уҥуор хара түүлээххэ (күтэри
бултаан таҥастыырбыт) эмиэ сылдьыбыппыт.”
Оччолорго Дьөгүөр Охлопков чахчыта кини Мэхээлэ оҕонньордуун бул-
таабыт күндү түүлээҕэ ханна тиийэрин билбэт, баардылаабат да оҕочоос этэ.
Ол гынан баран салайааччылар, түүлээҕи тутааччылар: “Эһиги бултаабыт
күндү түүлээххит тириитэ дойду оборуонатыгар барар. Кыр өстөөҕү сууһа-
рарга күүс-көмө буолар”, — диэн этэллэрин өйдүүрэ. Онон олус кыһанан-
мүһэнэн сылайары-элэйэри, тоҥору-хатары аахсыбакка сонор суолугар сыл-
дьара, чаархаан, хапкаан иитэрэ.
Уоттаах сэрии сэбиэскэй норуот кыайыытынан түмүктэммитэ. Е.С.Ох-
лопков колхуоһугар сайынын үгэс курдук ат көлөнөн от оҕустарыытыгар үлэ-
лиирэ, кыһынын эмиэ эргэнэ хара тыатыгар сонор суолугар тахсара. Егор
Семенович үйэ аҥаара түүлээҕи сонордоспут сылларыгар уон сэттэ кыһын
Алдан уҥуор таас эҥэргэ, үс сыл Кэбээйи Сииттэтигэр бултаабыта. Ол была-
һын тухары аар тайҕа маанылааҕын буур да тайаҕы охторбут түгэннэрэ аҕыйаҕа
суоҕа. Мин кэпсэтэ олорон Дьөгүөр оҕонньортон: “Эһэни бултуур этиҥ дуо?”
— диэн ыйыталаһабын. Оҕонньорум ол-бу диэки көрөн баран:
— Итиччэ уһун сылларга эһэҕэ да бултааһын баара. Ол гынан баран
биирдэ да “кырдьаҕас” тыыныгар турбатаҕым. Бэл: “Эһэ баар”, — диэн
ыҥыран илдьэ бардахтарына, арҕахха тиийбиппит “кырдьаҕаспыт” туран баран
хаалбыт буолара. Ол иһин кэлин эсэһиттэр миигин илдьэ сылдьыбат буол-
буттара. Тоҕо оннугун күн бүгүн даҕаны кыайан быһаарбакка олоробун, —
диир Дьөгүөр Сэмэнэбис уонна кыырыктыйбыт баттаҕын үөһээ-аллараа суу-
ралыыр.
* * *

Уус-Алдан оройуонун үлэһит дьоно сэрии сылларыгар хорсуннук үлэлээн,
Саха республикатын салалтатын көһөрүллэ сылдьар Кыһыл Знамяларынан
сүөһү иитиитигэр 8 төгүл, промышленность үлэтигэр 3 төгүл, балык булду-
гар 14 төгүл наҕараадаламмыттара. Ити үрдүк ситиһиилэргэ эдэркээн Дьөгүөр
Охулуопкап кылаата эмиэ баар.
Эйэлээх олох сылларыгар Дьөгүөр Сэмэнэбис таһаарыылаах үлэтин туо-
һулуур элбэх Бочуотунай грамоталар, Махтал суруктар күндү реликвия буо-
лан кичэллээхтик уурулла сылдьаллар. Олортон сорохторун ахтан аһарыахха:
1965-1966 сс. оройуон булчуттарын куоталаһыытыгар үрдүк көрдөрүүтүн
иһин Профсоюзтар тэрилтэлэрин Хайҕал суруга;
1967 с. республика үрдүнэн түүлээхситтэргэ биллэриллибит конкурска
кыайыылааҕынан тахсан, Республика Министрдэрин Сэбиэтин Бочуотунай
грамотата;
1975 с. 9-с пятилетка түмүгүнэн Социалистическай куоталаһыы кыайы-
ылаҕа (знак) бэлиэ;
1976 с. «Социалистическай куоталаһыы кыайыылааҕа» бэлиэ;
1977 с. «Социалистическай куоталаһыы кыайыылааҕа» бэлиэ;
1985 с. Норуот хаһаайыстыбатын ситиһиилэрин быыстапкатын боруонса
мэтээлинэн наҕараадаламмыта.
Егор Семенович өссө 1972 с. күндү түүлээҕи 2425 солкуобайга туттаран,

73