Page 78 - Уйбаан Бахсылыырап. Сэрии кэмин оҕолоро - эйэлээх олох уустара

оччотооҕу партия райкомун уонна сэбиэтин Бочуотунай грамоталарынан бэ-
лиэтэммитэ. Кини ити сыл соҕотоҕун бултаан судаарыстыбаҕа 684 андаатары
туттарбыта. Дьэ бу сыыппаралар, наҕараадалар кэтэхтэригэр Егор Семено-
вич күндү түүлээх соноругар сарсыарда эрдэлээн, киэһээ хойутаан төһөлөөх
тоҥмутун-хаппытын, сырата-сылбата барбытын бэйэтэ эрэ билэн эрдэҕэ.

Үлэһит киилэ

Е.С.Охлопков төһө да пенсияҕа олордор тыа хаһаайыстыбатыгар рефор-
ма барбытыгар сөп түбэһиннэрэн, 8 чилиэннээх «Куоталаһыы” диэн бааһы-
най хаһаайыстыбаны тэриммитэ. Кинилэр быйыл 25 ынах сүөһүлээхтэр, 15
биэлээхтэр. Бааһынай хаһаайыстыба 2 тонна үүтү, 200 киилэ эти туттарар
дуогабардаахтар.
— Оҕо сааспыттан тулаайах буолан, аччык аҥаардаах сылдьан эрдэ да,
сэрии саҕана да үлэ ыараханын көрсүбүтүм, — Дьөгүөр Сэмэнэбис кэпсээ-
нин салгыыр.
— Аны сэрии кэнниттэн олоҕу чөлүгэр түһэрии биир күүстээх үлэ буол-
бута. Партия ыйыытынан сиэрэ суох “бөдөҥсүтүүлэр” буолбуттарыгар эмиэ
өлөрбүтүнэн мөхсүбүппүт. Маннык түҥ-таҥ тутуу, улаатыннарыы-кыччатыы
биһиги боростуой, отчут-масчыт дьон үрдүбүтүнэн барбыта. Колхуостар соп-
хуостарга уларыйан хамнас дьэ арыый көбүччү соҕус буолан, пенсияҕа саҥа
тахсан, дьэ сынньаныахпыт диэн эрдэхпитинэ аны уларыта тутуу буолан,
реформа баран, бэйэни бэйэ көрүнэр кыһалҕата тиийэн кэллэ. Онон үлэттэн
сынньанар диэн арааһата суох буолсу.
Дьөгүөр оҕонньор этэрэ барыта баар суол. Билигин бэйэ туһугар күүһү
наһаа өһүлбэккэ үлэлээн, сөбүгэр кыаллар гына олорор кэм кэлбитин кэннэ,
кырдьыы, кыайбат буолуу кыһарыйдаҕа. Оттон ыччат сүөһүнү-аһы иитти-
бэккэ чэпчэки суолу батыһан оройуон киинигэр, куоракка тардыһар. Дьи-
ҥэр онно даҕаны ким бэлэмнээбитэ баар буолуой?
— Ускул-тэскил сылдьыбакка, бэйэ дойдутугар олорон сири үчүгэйдик
туһаныахха, сири харыстыахха, — сэрии кэмин оҕото, эрдэлээн сиппит-хоп-
пут үлэ-тыыл ветерана Егор Семенович Охлопков санаатын аһаҕастык этэр.
— Ыччат үлэни була сатыахтаах, “үлэ суох”, — дии-дии мээнэ хаамса
сырыттахха хоргуйар да өртөн буолуо суоҕа. Элбэх буолан кыттыһан техника
булунан, сири арендалаһан оттоон, оҕуруот аһын олордон, хортуоппуйу
үүннэрэн, сүөһү ииттэн, сибиинньэ көрөн үлэлээтэххэ киһи хайдах баҕарар
айаҕын ииттиэхтээх.
Колхуос, сопхуос биир төһүү үлэһитэ Е.С.Охлопков билиҥҥи олоххо
көрүүтэ итинник. Сэттэ оҕо аҕата, сүүрбэ биир сиэн, үс хос сиэн эһэтэ
билигин төһө да 70 сааһын аастар, үлэ-хамнас үөһүгэр сылдьар.
Аҕа табаарыспыт, үлэһит киилэ киһи, Дьөгүөр Сэмэнэбис, үлэҥ эн үйэ-
ҕин уһаттын, чэгиэн-чэбдик сырыт!
1999 с. от ыйын 13-17 күннэрэ.

“СОРСУННААХ СОНОРДЬУТТАР”

Быйыл саас Е.С.Охлопков 85 сааһын туолбутунан уонна Саха өрөс-
пүүбүлүкэтигэр аан бастаан Булчут күнэ бэлиэтэнэринэн, Хомустаах бөһүөлэ-
гин түөлбэлэрин икки ардыгар “Сорсуннаах сонордьуттар” диэн күрэхтэһии
ыытыллыбыта. Биһиги, аныгы үйэ дьоно, бу Егор Семенович курдук дьом-
мутун умнуо суохтаахпыт. Ол иһин мин этии киллэрэммин, сценарийын
74