Page 81 - Уйбаан Бахсылыырап. Сэрии кэмин оҕолоро - эйэлээх олох уустара

ИЭЙЭХСИТ ЭҤЭРДЭСПИТ дьоно

Оонньооботох оҕо саастаах сэрии сылларын оҕолоро. Бу этии Буөтур
уонна Даайа Баһылаайаптарга эмиэ сыһыаннаах. Сэрии, сут-сутурҕан,
кыаммат буолуу кыһалҕата кинилэри ситэ уөрэхтээбэтэҕэ. Ол оннугар
Бүөтүрдээх Даайаҕа Иэйэхсит эдьиийдэрэ учугэй хараҕынан көрөн оҕону-
урууну дэлэйдик биэрбитэ.

Удьуор элбэх оҕолоох бииргэ төрөөбүттэр
Орто туруу бараан дойдуга олох олоро кэлбит киһи
анала төрдү-ууһу тэнитии, элбэх оҕону төрөтөн ааты
ааттатыы буолар. Эдьэн Иэйэхсит эдьиийдэрэ эҥэр-
дэспит дьонугар Ийэ айылҕа барахсан сыллата ахсын
кэриэтэ бииртэн-биир оҕону бэлэхтиир. Петр Инно-
кентьевич уонна Дария Петровна Васильевтар — 12
оҕолоох Суотту нэһилиэгин биир ытык-мааны ыала.
Уон икки оҕону төрөтөн, атахтарыгар туруорбут
дьоҥҥо “ытык-мааны” диэн тыллары бу түгэҥҥэ тут-
тарга тоҕоостоох дии саныыбын.
Кырдьыга даҕаны киһи хайдах үөрбэт буолуой,
Бүөтүрдээх Даайа оҕолоро бары олоххо суолларын бу-
лунан, үгүстэрэ дьиэ-уот тэринэн, дьон кэккэтинэн
олороллоруттан. Оҕолор Дьокуускайга, Өлүөхүмэҕэ,
Алдаҥҥа, Мэҥэ-Хаҥаласка, Хаҥаласка уонна бэйэлэрин улуустарыгар Са-
һылыкаан, Суотту бөһүөлэктэригэр олороллор. Эдэр дьон бары кэриэтэ
сөбүлүүр идэлэрин ылан, үлэлии-хамсыы сылдьаллар, сорохторо үөрэнэллэр.
Манна даҕатан эттэххэ Петр Иннокентьевич бииргэ төрөөбүт балта Еле-
на Иннокентьевна эмиэ 10 оҕолоох Герой Ийэ, билигин Сыырдаах бөһүөлэ-
гэр олорор. Убайдара Афанасий Илларионович кэргэнинээн эмиэ уон оҕону
төрөппүттэрэ. Билигин суохтар эрээри, оҕолоро дьоҥҥо-сэргэҕэ ытыктанар
дьон. Онон Баһылаайаптары кытта чахчы да Иэйиэхсит эдьиийдэрэ эҥэр-
дэспит ыала дииргэ толору быраап баар. Олоҕу салгыыр, тымыр-сыдьаан
тардар ыччаттаргыт үлэ-хамнас, үөрэх үөһүгэр сылдьан этэҥҥэ буоллуннар,
үйэлэрэ уһаатын.
Өрүү дьон-сэргэ, үлэ үөһүн ортотугар

Петр Иннокентьевич Васильев сааһын тухары дьон-сэргэ ортотугар сыл-
дьан, орто сүһүөх салайар үлэҕэ бары билиитин дьоҕурун уурбут киһи. Кини
Суоттуга 1948 с. 7 кылааһы үөрэнэн бүтэрбитэ. Онтон колхуоска үлэлии сыл-
дьар эдэр киһини Дьокуускайдааҕы тыа хаһаайыстыбатын үлэтин салайар,
кадрдары бэлэмниир оскуолаҕа үөрэххэ ыыппыттара. Петр Иннокетьевич ити
үс сыллаах (1953-1956) үөрэҕи бүтэриэҕиттэн 24 сыл устата тохтоло суох кол-
хуоска, кэлин сопхуоска биригэдьииринэн үлэлээбитэ. Отучча сыллааҕыта
Нам училищетын директора П.Г.Апросимов кэлэн, анаан-минээн Бүөтүрү
көрсүбүтэ.
— Дьэ, Бүөтүр, манна суоттуга Нам СПТУ-тун филиалын астараары ту-
руорса сылдьабын. Училище директорынан эмиэ бэйэҥ бииргэ үлэлээбит
киһиҥ Василий Константинович Дегтярев буолар, — диэбитэ кини.
— Хаһаайыстыбаны салайарга уһуннук үлэлээбит уопуттаах, бэрээдэктээх

77