Page 79 - Уйбаан Бахсылыырап. Сэрии кэмин оҕолоро - эйэлээх олох уустара

суруйаммын Хомустаах бөһүөлэгин үс түөлбэтин олохтоохторо бу күөн күрэһи
(30.03.2012.) бэрт тэрээһиннээхтик ыыттылар. Сэттэлии киһилээх “Бэргэн-1”
(“Эрчим” түөлбэ), “Сонор” (“Дьүкээбил” түөлбэ), “Бэргэн-2” (“Эрэл” түөлбэ)
хамаандалар иитэн-аһатан олорор эбэлэригэр Хомустаахха киирэн уонна киэһэ
сынньалаҥ дьиэтигэр кулуупка икки түһүмэҕинэн 14 көрүҥҥэ күрэхтэстилэр.
Бу күн чахчы да билиннэ уол оҕо булчут киһи быһыытынан уйана-хата-
на, сылбырҕа туттуулааҕа, кыраҕы харахтааҕа, мындыр өйдөөҕө, дэгиттэр та-
лааннааҕа. Маны барытын сиһилии суруйдахха кинигэ хас да илииһин ылыа
этэ. Биири этиэххэ сөп, бу күрэхтэһии түмүгүнэн саҥа талааннар арылын-
нылар, түмүстэххэ билигин даҕаны тугу баҕарар кыайыахха сөбө көһүннэ.
Күрэхтэһии түмүгүнэн “Бэргэн-2” хамаанда бастакы, “Сонор” — иккис,
“Бэргэн-1” — үһүс миэстэни ыллылар.
“Сорсуннаах сонордьуттар” күөн-күрэскэ кыттыбыт хамаандаларга Егор
Семенович оҕолоро сыаналаах бириистэри туруордулар. Ол курдук бастаа-
быт хамаанда МР 18 М-М булт саатынан, иккис буолбуттар иһэрдэр (свароч-
най) аппараатынан, үһүс миэстэлэммит хамаанда Лөгөй нэһилиэгин дьаһал-
тата туруорбут электрическэй лобзигынан наҕараадаланнылар. Сэттэлии ки-
һилээх хамаандаҕа, маннык сыаналаах бириистэр кимиэхэ тиксэрин тарбах
талаана быһаарда. Баай Байанай кырдьаҕаспыт анаабытын курдук, бастаа-
быт “Бэргэн-2” хамаанда ылбыт булдун саатын, хамаанда уонна уопсай күрэх-
тэһии саамай эдэр булчутугар Савва Гоголевка, иһэрдэр аппараат иккис буол-
бут хамаанда уонна күрэхтэһии саамай саастаах 60 сааһын ааспыт булчутугар
Василий Бурнашевка тигистэ. Ойбон тэһиитигэр муҥутуур кыайыылааҕы-
нан хомустаахтар саҥа күтүөттэрэ Анатолий Татаринов буолан баллоннаах
гаһынан үлэлиир күөс буһарар плитанан наҕараадаланна.
Бу бириистэри таһынан күрэх кыайыылаахтарыгар сыал ытыытыгар —
“Кыраҕы харах”, андаатар сүлүүтүгэр — “Сылбырҕа булчут”, мууска ыһыл-
лыбыт балыгы хомуйууга — “Бастыҥ балыксыт”, бэйэ оҥостубут ох сааты-
нан бырахтаран ытыыга — “Өбүгэ үгэһин өрө тутааччы”, таһаҕас уонна саа
сүгэһэрдээх хайыһарынан сүүрүүгэ — “Сылайбат сындааһыннаах сонордьут”
диэн номинациялар олохтонон эмиэ сыаналаах бириистэринэн бэлиэтэннилэр.
Хайа да үлэни өрө туппут киһи салҕааччылаах буоллаҕына үйэлэнэр,
норуокка кэпсэлгэ сылдьар. Кадровай булчут Е.С.Охлопков сэттэ оҕотуттан
иккис уола Семен Егорович эмиэ сорсуннаах сонордьут, байанайдаах саа-
һыт, баартаах балыксыт киһинэн биллэр. Бу дьоро күн киниэхэ “Үөлээннээх-
тэр” түмсүү дьоно халампаас бэлэхтээн үөртүлэр. Оттон ытык кырдьаҕаһы
Егор Семеновиһы сценаҕа таһааран, сымнаҕас олбоххо олордон, кини аатыгар
элбэх хайҕал, махтал тыллара этилиннилэр. Үлэһит үтүөтүн чахчы да истиҥ-
ник чиэстээтилэр оҕолоро, оҕонньор эдэр доҕотторо Эҕэрдэ суруктарын, сэ-
мэй бэлэхтэрин тутгардылар. Түмүккэ хамаанда чилиэннэрэ бары Е.С.Охлоп-
ков мөссүөннээх, анал суруктаах туһааннааҕынан кыһыл, үрүҥ көмүс, боруонса
солотуулаах мэтээллэри иилиннилэр, оттон кыайыылаах хамаанда көһөрүллэ
сылдьар кубогы ылла.
Онон сэрии кэмин оҕото, үлэ-тыыл ветерана Егор Семенович Охлопков
аата, республика булчуттарын күнүн көрсө чиэстээхтик ааттанна уонна кини
аатынан күрэхтэһии кэлэр да сылларга ыытыллыа диэн эрэнэбин.

Өйдүөхтэрэ, сыаналыахтара...

Эрдэ суруллубутун курдук Егор Семенович сэттэ оҕолоох, элбэх сиэннээх
уонна хос сиэннэрдээх Ытык ыал аҕата, эһэтэ буолар. Кини бастакы кэргэнэ
Попова Анна Сергеевна биэс оҕону төрөтөн атахтарыгар туруоран баран, орто

75