Page 84 - Уйбаан Бахсылыырап. Сэрии кэмин оҕолоро - эйэлээх олох уустара

О л о х ү ө р ү ү т э , д ь о л о — о ҕ о
Дария Петровна, Петр Иннокентьевич Васильевтарга ити гынан баран
саамай үөрүүлэрэ, дьоллоро — оҕолоро буолаллар. Васильевтар улахан уол-
лара Сергей республикатааҕы телекиин солбуйар начальнига, икки оҕо амарах
аҕата. Валерий авиатехник үөрэхтээх, үс оҕолоох. Василий суоппар, икки
оҕолоох. Елизавета ветеринар идэлээх, үс кыыс ийэтэ, Өлүөхүмэ Нөөрүктээ-
йитигэр олороллор. Петр зоотехник идэлээх, өр кэмҥэ сылгыһытынан үлэ-
лээбитэ. Республика аатырбыт сүүрүк сылгытын Варганы баайан сүүрдүбүт
киһи. Билигин Хаҥалас Нөмүгүтүгэр олорор. Наталья атыылааччы идэлээх,
кэргэнинээн Алдан куоратыгар олороллор, уол оҕолоохтор. Кешалара сварщик
уонна суоппар идэлээх. Изабелла түөрт оҕо иһирэх ийэтэ, осеменатор идэлээх.
Евдокия оҕо садыгар иитээччинэн үлэлиир, Мэҥэ-Хаҥалас Павловскайыгар
олорор. Сергей Петрович II Дьокуускайга олорор, биир оҕолоох. Александра
аҕата тутуспут Суоттутааҕы СПТУ-га кылаабынай бухгалтерынан үлэлиир
уонна Хабаровскайдааҕы финансовай институкка кэтэхтэн үөрэнэр. Мурун-
нарын бүөтэ, кыра кыыстара Даша Дьокуускайга үп техникумугар үөрэнэ
сылдьар. Дьэ бу курдук Васильевтар улахан дьиэ кэргэн оҕолоро ийэлэрин-
аҕаларын ааттатар үтүө дьон буола үүннүлэр. Дария Петровна уонна Петр
Иннокентьевич иннилэригэр-кэннилэригэр ытарҕалыы эйэҥэлэһэр сүүрбэ
сиэннээхтэр. Дьэ бу буолар олох олоруу үөрүүтэ, улахантан улахан дьол!
Суотту уонна Бороҕон нэһилиэктэригэр Васильевтары билбэт ыал суо-
ҕун кэриэтэ. Бүөтүр оҥорбут муҥхатынан, бу икки нэһилиэк дьоно күһүн,
саас элбэх балыгы хотороннор, остуолларын мааны аһылыга оҥостоннор
үөрдэхтэрэ-көттөхтөрө. Бүөтүр оҕонньор ол курдук байанайдаах балыксыт,
ол идэтэ билигин да хаалбат.
Ытыктыыр аҕа табаарыстарым Даайалаах Бүөтүр! Оҕо, олох туһа диэн
олорбут олоххут кэнчээри ыччаттаргытыгар үтүө холобур буолан, үйэттэн
үйэҕэ кэпсэнэ, сэһэн буола туруохтун. Чэгиэн-чэбдик сылдьыҥ, оҕолоргут,
сиэннэргит үөрүүлэринэн дьоллоох буолуҥ! Алгыс баһа сыаланнын!

Уйбаан Бахсылыырап, 2001 с. балаҕан ыйа

АЛЛААХ АТ АРҔАҺЫГАР

Быйыл күһүн 76 хаарын санныгар түһэрбит Сааба Уола — Иван Саввич
Гоголев билигин даҕаны аллаах ат арҕаһын үрдүгэр сылдьар. Сааба уола
дьөһөгөй оҕотун кытта доҕордоһуута адьас оҕо-эдэр сааһыгар саҕаламмыта.
И.С.Гоголев 1928 с. Дьөһөгөй Айыы ыйын бастакы күнүгэр Гоголева
Евдокия уонна Савва Гоголевтар дьиэ кэргэннэригэр үһүс оҕонон күн сирин
көрбүтэ. Кини иннинэ төрөөбүт икки оҕо киһи буолар дьылҕаламматахтара.
Оттон Уйбаан төрүүрүн кытта оччотооҕу эмп-томп суох кэмигэр, саҥа
оҕоломмут ийэтэ барахсан, сыыстаран ыалдьан, уу кыһыл оҕотун хаалларан
күн сириттэн күрэммитэ. Онон Уйбааны ийэтин ийэтэ, эбэтэ Өксүү эмээх-
син бүөбэйдээн, ону-маны өйдүүр сааһыгар диэри оҕолообута. Колхуос үлэ-
титтэн илиитин араарбатах, икки хараҥаны ыпсаһыннаран үлэлиир Сааба
Мааркабыс эмиэ кэргэнэ, оҕото өлөн огдообо хаалбыт Жиркова-Бөчөкөөнөбө
Мария Ефимованы ыйытан, дьахтар онно сөбүлэһэн холбоһон ыал буолал-
лар. Тулаайах уол Уйбаан ийэлэнэн, Мария Ефимованы кини күн сириттэн
барыар диэри “ийэ” диэн ыҥыран, соҕотох оҕо буолан бэрт маанытык иитил-

80