Page 85 - Уйбаан Бахсылыырап. Сэрии кэмин оҕолоро - эйэлээх олох уустара

Н.Д.Попов, И.С.Гоголев, И.С.Гоголев кэргэнэ
И.И.Попов С.А.Билюкина

лэн борбуйун көтөҕөр. Маайа төһө да маачаха ийэ буоллар, уолу бэйэтин
төрөппүт оҕотун курдук үчүгэйдик көрбүтэ-истибитэ. Ол да иһин дьон-сэргэ
Мария Ефимованы ытыктаан “Сааба Маайата” диэн ааттыыллара.
Аҕа дойдуну көмүскүүр Улуу сэрии саҕаланар сылыгар Уйбаан уол бор-
буйун көтөҕөн эрэр 13 саастаах уол этэ. Онон Томтор оскуолатыгар үөрэнэ-
рин быыһыгар колхозтаахтары кытта кыһынын икки хараҥаны быысаһын-
нара от тиэйиитигэр, мас кэрдиитигэр үлэлэһэрэ, сайынын үс туман түһүөр
диэри от үлэтигэр сылдьара. Сэрии инниттэн саҕаламмыт курааннар 1942 с.
сааһыттан өссө ордук сытайан сайын от үүммэтэҕэ. Арыый уолба сирдэргэ
ханнык эмэ күөх бытыгыраан эрдэҕинэ, тимир тиистээх аһыҥа үөн кубарыччы
салаан өссө тыаҕа тахсан мутукчаны сиирэ. Онон ити сыл “Бөлөхтөһүү” кол-
хуос дьоно Кэбээйи оройуонун 1-кы Сииттэ нэһилиэгин сиригэр-уотугар
тиийэн оттообуттара. Кыһынын ол оттообут отторугар сүөһүлэрин үүрэн
илдьэн кыстаппыттара.
Дьэ ити курдук сут-кураан тэбиитигэр Мүрү Томторугар төрдүс кылааска
үөрэнэ киириэхтээх уол дьонун кытта Кэбээйигэ көһүспүтэ. Сииттэҕэ көһөн
тиийбит дьон, Гоголев Савва Маркович кэргэнинээн Бечеканова Мария Ефи-
мовналыын 70 ынах сүөһүнү, Мария быраата Николай Бечеканов 18 сылгы-
ны көрөллөрө. Сааба Уола — Уйбаан төһө да оҕо саастаах буоллар сүөһү
аһатыытыгар, ойбон алларыытыгар төһүү үлэһит буолан сылдьыбыта. Төрүкү
сэллик ыарыытыгар аалларан ыалдьар Ньукулай Бөчөкөөнөп от тиэйэ сылдьан
хаана баран сиргэ охтон хаалбытын, дьонноро сүтүктээннэр тиийэн көр-
дөөннөр, түүн тиэйэн аҕалбыттара. Ньукулай ыалдьыбытын дойдутугар бил-
лэрэннэр “Бөлөхтөһүүттэн” ыарыһаҕы ыла кэлбиттэрэ. Сааба оҕонньор ол
дьонунан уолун Уйбааны эмиэ төттөрү ыыппыта.

Кини аата умнуллубат

Сэрии ыар сылларыгар салайааччы үтүөтүнэн тыыннаах хаалбыттарын
Иван Саввич билигин аһаҕастык сэһэргиир:
— Сэрии саҕана биһиги колхуоспут “Бөлөхтөһүү” киинэ Нээбилэп диэн
алаас өтөҕөр баара. Манна түөрт дьиэнэн биэс ыал олорбута. Мүрү эбэ арҕаа
баһыгар Араҥас, Кус Саарбыт, Бөдүрэ, Мучуҥ диэн алаастарга биирдии-

6 Заказ № 52
81