Page 36 - Сахаайа Ермолаева Тымтык күн
P. 36
Өйдөөх аныгы тураахтар, миигин,
Өтөхгөн ырааппатах балтыгытын
Имиллэҕэс-өҕүллэҕэс буоларга
Ити курдук көҕүттүгүт!..
Махтал!
11. ДУРААНДАЛАР
(үгэ)
Мин дэгиттэр талааннаахпын:
Философскай поэтессабын;
Рок-шоу композиторбын;
Западнай уровеннаах ырыаһыппын;
Европейский таһымнаах үҥкүүһүппүн;
Бэл сахалыы табыгы табыйабын;
Кыыс Кыскыйдаанныы таансылыыбын.
Тоҕо мин манныкпыный?
Бастакы сыалым —
Мировой култууранан
Маалтаар саханы сайыннарабын;
Иккис сыалым —
Урааҥхай фольклорнай култууратынан
Мировойу байытабын;
Үһүс түмүк сыалым —
Дьокуут нация дэгиттэрин,
Улуутун дакаастыыбын...
Талаан — кылаабынай буолбатах,
Үтүктүү — кылаабынай!
* * *
Чэ, быһата, толкуйдуоҕуҥ —
Топпут дураандалар!
Көҥдөй дуорааннар буолумуоҕуҥ!
