Page 37 - Сахаайа Ермолаева Тымтык күн
P. 37
12. ЭПИГРАММАЛАР
Автобус тохтобулугар
Аҕам саастаах икки эр бэрдэ
Сохсоччу кыыһырбыттар,
Уолуктаһыах курдук көрүҥнээхтэр.
Биирэ этэр:
Көрөбүн хараҕыҥ кыараҕаһын,
Өйүҥ да онтон кэҥээбэтэ ини?
Иккиһэ хардарар:
Мин эн быччаҕаргын көрөбүн,
Киһиргэһиҥ да иччэ ини?
Ааптар:
Кэлин дьонтон истибитим —
Иккиэн чунуобунньуктар үһүлэр:
Дуоһунас былдьаһар эбиттэр!
* * *
Баай дьадаҥыны сэниирэ
Туохха тиэрдэрин бары билэбит.
История бүгүн да сэрэтэр:
«Сэнээбиккиттэн синньээйэҕин...»
* * *
Кыайыыга эрэ сылдьааччы,
Наһаалыыргын тоҕо билиммэккин?
Арааһа, кэлин биирдэ өйдүүһүккүн,
Бириэмэ үөхтэҕинэ...
* * *
Начаалынньык! Мне не надо
Киһиргэтэр кураанах наҕараада.
Ол оннугар миэхэ наада
Чиэһинэй астаах наҕараада.
* * *
— Доллары кимиэхэ мунньаҕын?
— Оҕолорбор, сиэттэрбэр...
— Ол аата, кинилэри бэлэмҥэ,
Сүрэҕэ суох буоларга үөрэтэҕин.
— Кинилэр, эн курдук акаарылар буолбатахтар.
35
