Page 35 - Сахаайа Ермолаева Тымтык күн
P. 35
Санаабын куорсуннуур саҥалара
Сарсыҥҥыга эрэлбин күүһүрдэллэр.
* * *
Дьүөгэлэрим барахсаттар
Дьүһүн кубулуйбат сыһыаннара —
Мин бараммат-хороммот
Барҕа баайым буолан,
Үйэм тухары дьоллуу сырыттар!
10. МАХТАЛ
(фельетон)
Олох обургу миигин бэлиэр
Дьүһүн кубулуйарга күһэйдэ.
Өҥнөөхтөргө, үрдүк өһүөлээхтэргэ,
Көннөрү даҕаны баайдарга
Сүгүрүйэбин, нөрүөн нөргүйэбин.
Дуоһунаска тиксэ түһээри
Тойотторго тоҥхоҥнуубун;
Хоннох сылааһыгар сыстаары,
Хотуттарга хоҥкуҥнуубун.
Ол-бу остуол тобоҕор тиксээри,
ООО-ларга, фирмаларга биэтэҥниибин.
Ону баара, Крылов тураахтара
Отой уларыйбыттар, өйдөммүттэр.
Иэдьигэй оннугар, харчыны
Кынаттарыгар кыбыммыттар,
Тумустарыгар эбэссэнкэлээх
Кураанах айахтаммыттар:
Уус-уран тылламмыттар
Уонна, соҕурууҥну саталлаахтары
Попугайдыыр буолбуттар...
• 1||кн I № .1X5 33
