Page 21 - Сахаайа Ермолаева Тыыннаах ырыа

65.

Сымыйа быстахха хоторун —
Итэҕэй мун саатар сороҕун.
Билэҕиэн: “Проиграть в битве,
Выиграть в войне!” — дьоллуурун?

66.

Ким таайыай бу олох арааһын?
Төһөтө кирдээҕин, ырааһын?
Тас өттө барыта — көмүс дуй...
Этиэҥ дуо түгэҕэр туох баарын?

67.

Кыайтаран-хотторон олорор
Ардыгар үтүөнү оҥорор.
Чочуйар муударай буоларга,
Хорсун да санаалыыр сороҕор.

68.

Күннээҕи күүлэйи батыһар —
Малааһын түүл буолан манньытар.
Бүгүҥҥүм барыта — сибэкки...
Сарсыҥҥым — хаһыҥы санатар.

69.

Ырыалар — кыргыттар курдуктар:
Истиҥнэр, нарыннар, ыраастар.
Эһэбэр — роман маарынныыр,
Эбэбэр — поэма алтыһар.

70.

Ким эрэ хайаан да төрүөхтээх,
Ким эрэ хайаан да “төннүөхтээх”.
Санааргыыр сатаммат! Умнуохха —
Мөкүнү! Уһуктаат үлэлээ!

19