Page 20 - Сахаайа Ермолаева Тыыннаах ырыа

59.

Кырдьыгы эппэккин үксүгэр:
Кылыс бии биэтэҥниир үрдүгэр...
Ол иһин чиэһинэй киһи да—
Ньылаҥнас буоларга күһэллэр.

60.

Хас үйэ сайдыынан тиһиллэр,
Киитэрэй дьон бэрдэ үксүүллэр...
Түмүгэ — муударас оннугар, —
Эгоист ахсаана эбиллэр.

61.

Халаанныыр кэм буордаах уутуттан
Быйаҥы баспаккын хонууттан,
Өй-санаа, сиэр-майгы киртийэр
Хаостан, бас-баттах барыыттан.

62.

Эһэлэр, бөрөлөр, саһыллар...
Сир бэрдин түҥэттэн ыллылар.
Куобахтар, улардар, киргиллэр...
Саһар да тыата суох хааллылар.

63.

“Баай киһи тоҥуулаах игиитэ —
Хамнасчыт хатырбыт илиитэ”, —
Диир этэ хос эһэм. Оннук дии —
Бүгүн да баай бардам көрүүтэ.

64.

Иккигэ иккини эбэрбин
Биэс буолуон билбэккэ кэлбиппин.
Ол эбит — мин өйүм таһыма...
Олоҕум! Дилемма эбиккин...

18