Page 77 - Сахаайа Ермолаева Тыыннаах ырыа

Хоһоонум тымныйбыт тыллара
Кыыдамныыр хаар буолан сүттүлэр.
Сүрэхпэр сибэкки тыллара —
Көтөҕө буоланнар бүтгүлэр.
* * *

Бай! Иһит! Ыҥырда уһуктуу:
Храмҥа киллэрэн эрэрдии,
Сардаҥа, иннэтин уһуктуу,
Иэйиинэн имнэнэн эрэр дии.
Күн үөһэ күөрэйэн ойуута,
Күүрээним чыпчаала буол эрэ.
Хонуу-тыа оһуора-ойуута,
Хомуллан, хоһооммор туол эрэ.

Саха дьонун этигэн хомуһун
Чуор тыла уостарбын таарыйдын.
Иччилээх илбис ап-хомуһун
Иэдэспин итиинэн хаарыйдын.

Уонунан омуктар доҕордуу
Буолтарын чорботон туойсуоҕум.
Кыҥкыйдыыр киһи дуу, доҕор дуу,
Утарсар саҥатын “буойсуоҕум”.

Көстүөҕэ — хатаммыт-уйаммыт
Сатарыыр сайдыыбыт суолугар.
Көрсүөхпүт, чысхааны уйаммыт,
Күөх эйгэ күндээрбит дуолугар.

Хаамыыбыт халаанныыр өрүһүн
Ханнык күүс харгыстыа буоллаҕай?!
Ааҕааччым, өйгүнэн өрүһүн,
Тоһуйуо арыт муус куоллаҕай.

Түүнүн да сэргэхтик уһугун!
Хатарбыт тимирдии лыҥкынаа.
Кылыс дуу, үҥүү дуу уһугун
Тоһутар ыстааллыы чыҥкынаа.

75