Page 79 - Сахаайа Ермолаева Тыыннаах ырыа

Өтөххө Дьөһөгөй Айыыта
Көрсүөҕэ күөн түөһэ дууллуйан.
Мин иэйиим хоһоону айыыта
Минньийиэ тапталлыы кууллуйан.

* * *

Олохпут — тыйаатыр сыаната,
Үйэ-саас оонньонор дыраама.
Кэм-кэрдии кырдьыктаах сыаната
Быһаарар суолталаах! Саараама!

Сүөһүлэр өлбөттөр ытыллан...
Отгон дьон?.. Ханнаный эйэбит?..
Түҥнэри-таҥнары ытыллан,
Аньыыга тимирэн эрэбит!

Бүгүҥҥү сыал ытар охторбут —
Гректии тылынан пролог.
Сарсынын ордорбут, охторбут —
Ол эмиэ гректии эпилог.

* * *
Сахалар түрдэстэр хаастарбыт...
Көстүүнэй буолла дуу дойдубут?
Куччууллар кустарбыт-хаастарбыт,
Кэлээччи-барааччы хойдубут.

Төрөөбүт тылбытын мачайдаан,
Арыгы оҥостон иһэбит,
Сахалыы сиэрбитин хачайдаан,
Сиэкискэ атыылаан иһэбит...

Кириитик! Эн эрдэ күлүмэ:
Көрүнньүк саатабыл бастаата,
Ааһар күн тырыма-күлүмэ
Оспотох бааспытын хастаата.
* * *

Бээ! Кэбис! Бу холус саҥаттан,
Өрүттэн, кэмигэр тохтуохха.