Page 80 - Сахаайа Ермолаева Тыыннаах ырыа

Бүгүҥҥү сонунтан-саҥаттан
Ордугун буламмыт туттуохха.

Донуосчут «изм-ҥэ» буруйдуо:
Оол көстөр хараҕын хатыыра.
«Баайсыы» диэн оччугуй буруй дуо —
Хап гынар хаайыыга хатыыра?

Иэдээннээх ол кэми үрдүнэн
Чомполоон истэбит билигин.
Саарыыбыт — «баас баарын» үрдүнэн:
“Оҕонньоор, омуннуур инигин?!”

* * *

Халлааммыт, үллэҥнээн, былытыан!
Ыгар дуу этиҥнээх ардаҕа?
Манныгы бөлүһүөк Былатыан:
«Хаос!..» диэн этэрэ, бадаҕа.

Барыска баҕалаах бастаата:
«И караван есть, и собака есть...»
Хоруупсуйа сыа-арыы астаата:
«Кот-Васька слушает да ест!..»

Сыыспыттар дуо урут улуулар:
«О времена, о нравы..».
Табаллар дуу бүгүн чулуулар:
«Может, они во всем правы?..»
* * *
Сокуонтга сиэр-майгы тиэмэтэ
Былыр да, кэлин да баар этэ.
«Онтубут бутуллар...» диэм этэ:
Сороҕо уулаах хаар кэриэтэ.

«Ол тоҕо?..» диэтэххэ, биһиэхэ
Сыаннаспыт үгүстүк кэһиллэр.
Баай-харчы, «культура»... киһиэхэ,
Эриэн үөн өҥнөнөн эриллэр.