Page 234 - Дүпсүн сирэ

дуу диэн кэпсэтиһэрбит. Ол сырыттахпытына, 1945 сыл от ыйын 17 күнүгэр
сарсыарда 10 чаас саҕана, биһигини үөрэнэр сирбититтэн 6 дуу, 7 дуу кило­
метр сиргэ массыынанан аэродромҥа илдьибиттэрэ уонна поска туруорбут-
тара. Күнүс 12 чаас ааһыыта бастаан хас да истребителлэр көтөн күүгүнэһэн
кэлбиттэрэ. Ол кэнниттэн улахан кылабачыйбыт үрүн' көмүс өҥнөөх само­
лет уҥа-хаҥас өттүгэр 6 -лыы, ол аата 12 истребитель арыалдьыттаах кэлэн
аэродромҥа түспүтэ. Онтон утуу-субуу хас даҕаны оннук дьүһүннээх улахан
самолеттар кэлбиттэрэ. Киэһэ 4 чаас ааһыар диэри биһиги онно турбуппут.
Кимнээх да кэлбиттэрин билбэтэхпит. Массыыналарга олоро-олоро, массыы-
налар иннилэригэр-кэннилэригэр уонна ойоҕосторугар мотоцикллаах саллаат-
тарынан арыаллатан, асфальт суол устун бытааннык айаннаан барыталаан
хаалбыттара.
Сарсыныгар, от ыйын 18 күнүгэр, сарсыарда 9 чаас 30 мүнүүтэ саҕана пос­
ка туран, мин аан бастаан конференцияҕа кэлбит советскай делегация чилиэн-
нэрин, ол иһигэр, советскай делегация баһылыгын Иосиф Виссарионович
Сталины көрбүтүм. АХШ, Англия делегацияларын чилиэннэрин, ол иһигэр,
АХШ оччотооҕу баһылыгьш Гарри Трумэни, Англияттан кэлбит делегация
баһылыктарын У.Черчилли, Этлини көрбүтүм.
Конференция манабылыгар түбэһэн сылдьыы биһиэхэ барыбытыгар, ол
иһигэр миэхэ, улахан чиэс буолбута. Ол курдук эппиэтинэс да улахан этэ.
Конференция бара турар миэстэтигэр тастан сыһыана суох киһи хайдах да
кыайан кэлбэт гына харабыл туруоруллубута. Ол үрдүнэн күннэ делегация-
лар кэлэр-барар суолларын хас да төгүл минердар бэрэбиэркэлииллэрэ. Онон
быһатын эттэххэ, олус эппиэттээх манабыл этэ. Мин ити конференцияны
харабыллааһыҥҥа сылдьыбытым иһин ССРС ИдьМ-тын Махтал суругун ыл-
бытым».
Николай Саввич Гоголев 1915 сыллаахха Дүпсүн улууһун Чэриктэй алаа-
һыгар төрөөбүтэ. 1932—1935 сс. үөрэнэн, Дүпсүн сэттэ кылаастаах оскуолатын
бүтэрбитэ. Бастаан Томторго, онтон Чараҥай, Саһылыкаан оскуолаларыгар
учууталынан, сэбиэдиссэйинэн үлэлээбитэ.
Н.С.Гоголев 1941 сыллаахха атырдьах ыйын 12 күнүгэр Аҕа дойдуну көмүс-
күүр Улуу сэриигэ ыҥырыллан барбыта. Сэриини Старай Руссаттан Берлиннэ
тиийэн түмүктээбитэ. I уонна II Белорусскай фроннарга, 38-с итиэннэ 219-с
НКВД пограничнай полкаларын састаабыгар сылдьан немецкэй-фашистскай
халабырдьыттары утары хорсуннук сэриилэспитэ. 1946 сыллаахха демобилиза-
цияланан баран, ССКП Уус Алданнааҕы райкомугар бастаан инструкторынан,
онтон партийнай-тэрийэр отдел сэбиэдиссэйинэн үлэлээбитэ. Кэлин Суоттуга
Энгельс, Дүпсүҥҥэ Ленин ааттарынан холкуостарга партком секретарынан,
Мүрү, Дүпсүн сельполарын бырабылыанньатын, Өлтөх нэһилиэгин Советын
исполкомун председателлэринэн үлэлээбитэ.
Хорсун сэрииһит, кырдьаҕас советскай-партийнай үлэһит Николай Саввич
Гоголев 1981 сыллаахха биһиги кэккэбититтэн өлөн туораабыта.
И .П рудецкай, тыыл, педагогической улэ ветерана

230