Page 511 - Дүпсүн сирэ
P. 511
риятыгар үчүгэй холобур буолуо суоҕа. Дьиҥэр, XX үйэ саҥатыгар саҥардыы
үөскээн, бөҕөргөөн эрэр саха интеллигенцията хаһан да үөйбэтэх-ахтыбатах
улахан аймалҕаныгар түбэспитэ: киин Россияҕа утуу-субуу икки революция
буолбута. Ол дьалхаана Саха сиригэр тиийбитэ. Бу быһыыны-майгыны саха
норуота тэрийбэтэҕэ, кини иитийэхтээн таһаарбатаҕа. Аҕыйах ахсааннаах саха
норуота Россияҕа буолар событиелары баҕардар да, баҕарбатар да ылынар,
батыһар эрэ дьылҕалааҕа. Билигин даҕаны оннук. Россияны бүтүннүү хап-
пыт аймалҕан кэмигэр саха интеллигенциятын үгүс өттө бу түгэҥҥэ хайдах
дьаһанан төрөөбүт норуотун буруотун уһатар, харыстаан ылар суолу тобулбута.
Төһө даҕаны хайдыһыылаах, ардыгар утарыта да турсуулаах буолбутун иһин,
кинилэртэн хас биирдиилэрэ чахчы эрэнэн, итэҕэйэн бэйэтэ талбыт суо-
лун тутуспута. Хайалара тутуспут суола табатын, хайаларын киэнэ сыыһатын
оннооҕор күн бүгүн быһаччы этэр, сыаналыыр улахан уустук. Биир суол
дьэҥкэ: төрөөбүт норуоттарын, дьоннорун-сэргэлэрин иһин дьиҥ кырдьыгы-
нан үтүө дьулуурдарын, олохторун бүтүннүү толук ууран турууласпыт дьоҥҥо
саҥаттан-саҥа көлүөнэ сүгүрүйүөх, кинилэр ахсаабат дьулуурдарыттан, ыраас
санааларыттан холобур ылыах, батыһыах кэриҥнээх. Хас биирдии киһи сү-
рэҕэр, өйүгэр-санаатыгар бэйэтэ Баһылай Никифоровтаах, Платон Ойуунус-
кайдаах, Максим Аммосовтаах буолуохтаах. Норуот оччоҕо утумнаах, өлбөт-
сүппэт дьылҕалаах буолуоҕа.
Александр Николаевич Жирков,
исторической наука кандидата, Ил Тумэн депутата
Муру саһарҕата. — 2006. — Ыам ыйын 30 к.
451
