Page 80 - Дүпсүн сирэ

4. Түһүлгэ алгыһын түстээччи
... Уус Алдан улууһун Бороҕон сэлиэнньэтигэр олорор үлэ ветеранын Па­
вел Прибылыҕы истибит эрэ киһи, кини талааныгар сүгүрүйэр, айылҕаттан
күүстээх куолаһа кими баҕарар сөхтөрөр, кэрэхсэтэр.
— Мин 1937 сыллаахха Дүпсүн нэһилиэгэр төрөөбүтүм. Аҕам Миитэрэй, ийэм
Матырыас. Аҕам урут сүүрбэччэ сыл ыскылаат сэбиэдиссэйинэн үлэлээбитэ. Бэ-
йэм биир уоллаахпын. икки кыыстаахпын, аҕыс сиэннээхпин. Идэбинэн зоотех-
никпын, 1965 сыллаахха Саха государственнай университетын бүтэрбитим. Дой-
дубар 15 сыл зоотехниктаабытым. Онтон 12 сыл орто оскуолаҕа производственнай
үөрэхтээһин учууталынан үлэлээбитим. Оҕолорго сүөһү иитиитин төрүтгэрмн
үөрэппитим. Пенсияҕа 1992 сыллаахха тахсыбытым.
Ийэм өттүнэн төрүттэрбэр ырыаһыттар бааллара. Ол курдук, эһэм Дми­
трий Яковлевич Бурнашев тимир ууһа этэ. Бэйэтин эҥээригэр эрэ буолбак-
ка, Верхоянскайынан, Саккырыырынан, Сиэгэн Күөлүнэн, Сэбээн Күөлүнэн
уһаммыт оҕонньор. Бурнашевтар Баатауайтан төрүттээхтэрэ. Үөскээбит сир-
дэрэ — Чэриктэй, уруккунан Баатаҕай Алдана. Онно «Ыччат суола» холкуос
тэриллэригэр көспүттэр. Эһэм төрдүттэн олоҥхолуура, тойуктуура. Кини ыл-
лыырын истэн улааппытым. Дьон-сэргэ, доҕотторо түмүстэхтэринэ, уопсай
хонууга олорон айылҕаны хоһуйан, алгыс курдук үтүөнү баҕаран ыллыыра.
Бука, ол иһин киниттэн утумнаабытым буолуо. Ийэм үөрэҕэ суох да буоллар,
иистэнэ олорон дуу, биитэр ону-маны бэрийэ сылдьан санаата көнньүөрдэҕинэ
ыллыыр үгэстээҕэ. Кыра сылдьан Роман Алексеев олоҥхолуурун истэрим.
Оскуолаҕа сылдьан урут ырыа, музыка учуутала диэн суох буолара, кылаас
салайааччылара бэйэлэрэ көҕүлүүллэрэ. Арааһа иккис кылаастан кыралаан ыл­
лыыр буолбутум. Ырыаһыттартан Саха театрын артыыһа, Баатаҕайтан төрүттээх
Николай Алексеевы, Марина Попованы, Николай Баскаровы сөбүлээн истэ­
рим. Университекка сылдьан эмиэ уус-уран самодеятельноска кыттарым, фа-
культеттар күрэхтэһиилэригэр лауреат буолбуппун өйдүүбүн. Кэлин үлэһит
буолан, иллэн' көстүбэт да этэ, биир эмит күрэхтэһиитэ, спартакиадаҕа кыт­
тарым. Кыралаан мандолинаҕа, баяҥҥа, гармошкаҕа оонньуурум. Дьэ онтон
80-с сыллартан бэттэх алгыһынан утумнаахтык күн бүгүҥҥэ диэри дьарыктана
сырыттаҕым.
1982 сыллаахха биллиилээх олоҥхоһут Лаврентий Петрович Новогодин салалта-
тынан, кини «Күн Эрили Бухатыыр» олонхотунан Дьокуускайга книрэн сахатыы
телевидение^) уһуллубуппут. Онно Күн Эрили оруолун толорбутум. Араас көрүүлэр,
күрэхтэһиилэр тустарынан эттэххэ, улууспар элбэхтэ лауреат буолбутум.
Алгыс — бу үтүөнү баҕарыы, дьол тосхойорун туһугар алҕааһын. Уһун кыһыҥна
тоҥон-хатан баран сайын ныга үктэммиппитинэн үрдүк айыылартан сүгүрүйэммит
уйгуну-быйаҥы, үрүн' илгэни көрдөһөр буоллахпыт. Тыла-өһө, ис хоһооно тематыт-
тан көрөн уратылаһар. Кимиэхэ, туохха анаммытыттан тутулуктаах.
— Сэрии бүтүүтүтэр 1945 сыллаахха Дүпсүн ҥэ буолбут ыһыаҕы өйдөөн хаат-
быппын. Оччолорго 8 саастааҕым. Ыһыах сиэринэн кымыс иһиитэ, түһүлгэҕэ
аһааһын, атах оонньуута, ат сүүрдүүтэ буолбута. Саха театрын артыыстара тах-
сан «Дьулуруйар Ньургун Боотуру» толорбуттара. Аан бастаан артыыстары онно
76