Page 81 - Дүпсүн сирэ

көрбүтүм. Александра Новгородова хаарыс солко былааччыйалааҕа, бэйэтин
кыанар күүстээх буолан, дьахталлар тустубуттарыгар кыттыбыта. Кини Аана
Федорова-Хонооһой Ааныскатыныын күүһүн холоммута. Ол ыһыахха аатыр-
быт кылыыһыт Дмитрий Босиков 44 м түстэ диэбиттэрэ. Оччолорго улахан
эрчиллии эҥин көрүллүбэт буоллаҕа.
Алгысчыт буолан баран, Суорун Омоллоон 90, 95 сааһын туолуутугар ытык
кырдьаҕаһы уруйдаан, киниэхэ эҕэрдэ тойугун туойбуттааҕым. Онно Надеж­
да Шепелева миигин истэн баран, Правительствоҕа ыллыаххын сөп киһигин
эбит диэбитэ. Ойуунускай төрөөбүтэ 100 сылын балаҕан ыйыгар Чараҥҥа
бэлиэтээһиҥҥэ туойбутум. Онно Гаврил Колесов, Роман Егоров анаан-минээн
кэлэн баҕа санааларын эппиттэрэ. 1991 с. Күлүмнүүр төрөөбүтэ 125 сылыгар
профессор Е.Е.Алексеев наһаа үчүгэй кылыһахтаах киһи бу, эн, ханна сылдьы-
быккыный диэн кэлэн илии тутуспуттааҕа. Ити өтөхпүттэн тэйбэтэх киһиэхэ
улаханнык ытыктыыр, биллиилээх дьон болҕомто уурбуттара, сыанабыл биэр-
биттэрэ миэхэ улахан чиэс, умнуллубат түгэн дии саныыбын.
Былырыын Нерюнгрига ын ыраннар онно ыһыах сиэрин-туомун толорбу-
тум. Тааттаҕа туойа сылдьыбытым. Быйыл Дьокуускайтан, норуот айымньы-
тын кииниттэн Сунтаар ыһыаҕар ыҥырбыттара, онно баран киэҥ түһүлгэҕэ
дьону-сэргэни көрүөм. Кэргэним Сунтаартан төрүттээх этэ, онон Сунтаардар
ыһыахтарыгар хаста да сылдьыбыттааҕым...
Саргылана Данилова
Саха сирэ. — 2006. — Бэс ыйын 15 к.

Дүпсүҥҥэ таас үйэ киһитин көмүүтэ көһүннэ
2005 сыллаахха алтынньы саҥатыгар Дьокуускай куоракка Саха государствен-
най университетын археологияҕа уонна этнографияҕа музейын аадырыһыгар
Уус Алдан улууһун Дүпсүн олохтооҕо Гаврил Иванович Прибылых сайылыгар
Бүлтэйгэ олбуорун иһигэр баҕана туруораары былыргы киһи төбөтүн уҥуоҕун
ороон таһаарбытын туһунан илдьит тиийбитэ.
Бу сураҕы археологтар, көмүү баара-суоҕа 20-чэ эрэ сантиметр дириҥҥэ
сытарын туһунан истэн, тута сэргээбиттэрэ. Маннык чычаас ииннээх көмүү
уонна туох да хоруоба суох харайыллыбыт киһи хайаан да былыргыта сэрэ-
йиллэр. Онон тута спонсор көрдөөн, харчы булан, музей этнографияҕа отде-
лын сэбиэдиссэйэ Эдуард Константинович Жирков уонна мин, историческай
наука кандидата, СГУ доцена, саха-французскай палеогенетическай экспеди­
ция научнай консультана Сергей Константинович Колодезников, Дүпсүҥҥэ
тахсарга тэриммиппит. Спонсорынан «Россахаагропром» генеральнай дирек­
тора, Дүпсүн ыччата Александр Иванович Ховров буолбута. Бороҕоҥҥо кэлэн
баран Дүпсүн н э, дьаһалта баһылыгын солбуйааччы Роман Иванович Жирков-
ка телефоннаабыппыт. Сарсын Дүпсүҥҥэ массыына кэлэр диэн кини эппит
нүөмэригэр эрийэн кэлбит сыалбытын билиһиннэрдибит. Суоппар Николай
Ушницкай тута сөбүлэһэн, сарсыарда 10 чаастан улуус дьаһалтатыттан туох
да эрэйэ, кэтэһиитэ суох Дүпсүнү булбуппут. Аны Роман Иванович биһигини
77