Page 136 - Элэс Боотур Бүөтүр Оҕотоойоп
P. 136
120 П. В. ОГОТОЕВ
Толомон суолу тобулан,
Аҕыс халбарыйбат хараҕалаах
Аартык хатыны арыйан,
4030 Сэттэ дьиппиэһиннээх
Сиэллээх сиэги-маҥан суолу силэйэн,
Көмнөхтөөх суолу КӨТӨҔӨН,
Дьаҥхалаах аартыгы арыйан,
Итии куйаас тыыннаах,
Илгэ быйаҥ эркиннээх,
Эрдэҕэс улар түөһүн түүтүн курдук
Эбирдэнэн костер
Эҕэрдэлээх илиҥҥи халлаан
Ис эҥийэтин диэки
4040 Илбиһирэн, имэгирэн айаннаата...
Эһэ Хара аттаах
Элэс Боотур обургу
Ити курдук айаннаан,
Сэнньэкэ хайалары
Сиибиктэ от курдук
Сиҥнэри кэстэрэн ааспыта —
Силлиэ-буурҕа буолан
Сирилэччи силбиэтэнэ хааллылар.
Очуос таас хайалары
4050 Тоҥ туос курдук
Тоҕута көтүтэн ааспыта —
Таас тобурах буолан
Табыгыраччы тамнааттана хааллылар,
Дэриэспэ таас хайалары
Дэлбэритэ тэптэрэн ааспыта —
Таас тибии буолан
Тигинэччи тибиирэ хааллылар...
Күннэри-түүннэри
Күлүмэхтик көтүтэн,
4060 Төһө-хачча барбытын
Бэйэтэ да билбэтэ —
Кыһыны кырыатынан,
Сааһы садырыынынан,
Сайыны самыырынан,
Күһүнү өксүөнүнэн билэн,
