Page 137 - Элэс Боотур Бүөтүр Оҕотоойоп

)JI)C БООТУР 121

Күүрээннээхтик айаннаан,
Көтөр кынаттаах
Үстэ сымыыттаан,
Үстэ сааран тиийэр,
4070 Сүүрэр атахтаах
Тоҕуста тугуттаан,
Тоҕоон-тохтоон тиийэр
Тэгил дойду
Түгэҕэр тэбилиннэ.
Сынньана түһээри
Сис оройугар
Толуу төҥүргэс таһыгар
Тохтуу биэрдэ.
Өйдөөн көрбүтэ —
4080 Үөлэс үүтэ эбит,
Төҥүргэс көҥдөйүнэн
Күөх торҕо буруо
Бур-бур бургучуйан
Буруолаан буккуруур,
Ботур-итир кэпсэтэр саҥа
Бу баар курдук иһиллэр.
Истиҥ кэпсэтиини
Иһиллээн иһийдэ,
Иһирдьэ эмээхсиннээх оҕонньор
4090 Ис сүрэхтэриттэн иэйэн
Был ыргыл арын - бил иҥҥил эрин,
Ааспыттарын - аныгыл арын
Ахтыһа- ахтыһа
Астык баҕайытык
Аһыы олороллор эбит.
Үөлэс үүтүнэн
Өҥөйөн көрбүтэ:
Көп түүлээх
Күөх тииҥ
4100 Уорҕата сонноох,
Өрөһөтө ыстааннаах,
Кэлин тыһа этэрбэстээх,
Илин тыһа үтүлүктээх,
Тииҥ баттаҕа бэргэһэлээх,
Быччаччы көрбүт