Page 161 - Элэс Боотур Бүөтүр Оҕотоойоп

ЭЛЭС БООТУР 145

Халыарыйан айаннаата.
Эмэх мастары
Эмтэритэ тэптэрбитэ —
Эмэн эмээхситтэр буолан
Энэлиһэ, эймэнэ хааллылар.
5000 Чуор мутуктары
Тоһута үктэппитэ —
Чобуо уолаттар буолан
Чообурҕаһа хааллылар.
Толуу тииттэри
Тоҕута көтүппүтэ —
Тойон дьоннор буолан
Добдугураһа хааллылар.
Хатыҥ мастары
Хайыта көтүппүтэ —
5010 Хатын дьахталлар буолан
Халаатаһа хааллылар.
Үөт талахтары
Үлтүрүтэ үктэппитэ —
Симэхсин эмээхситтэр буолан
Мэнэрийэн илгистэ хааллылар.
Турар төҥүргэстэри
Туурута тэбиэлэппитэ —
Сур бөрөлөр буолан
Онолуһа, улуйа хааллылар.
5020 Сытар сыгынахтары
Сыҕарыта тэптэрбитэ
Сырҕан эһэлэр буолан
Ырдьыгынаһа хааллылар.
Ойуттаҕын ахсын уоҕуран,
Тэбиннэрдэҕин ахсын тэбиэриһэн,
Уохтаах айаны
Оройуттан харбаан,
Улуу хайалары
Олугун икки ардыгар быраҕан,
5030 Күлүмэх айаны
Көҕүлүттэн тутан
Көһүнэн сири
Күөнүн анныгар хаалларан
Күлүмэхтик көтүтэн иһэн