Page 156 - Элэс Боотур Бүөтүр Оҕотоойоп

140 П. В. ОГОТОЕВ

Бэйэлэрэ да
Билбэккэ хааллылар.
Саһыл-саарба таҥастарыгар
4810 Таптыылларынан тарайан,
Уһун түүнү быһа
Уохтаахтык уурастылар,
Имэҥнээхтик, итиитик таптастылар.
Халлаан сырдыыта
Уохтара дьэ арыый хараан
Утуйа түһэн ыллылар.
Эһэ Хара аттаах
Элэс Боотур обургу
Уутуттан уһуктаат,
4820 Ойон туран
Таһырдьа тахса биэрдэ.
Үөс Тардар обургу
Киһи эрэ буоллар,
Кини бэйэлээх
Дириҥ-далай санаата
Сүүтүктээҕэр кыараан,
Ытыыр-сонуур саҥата
Ыҥсалыйан иһилиннэ.

Үөс Тардар

«Үс ини-бии
4830 Кытыгырас Бараанчайдар
Кырдьык күтүөт гынаары
Күндүлээтэхтэрэ диэн,
Акаары буолан,
Албыннарыгар киирэн алдьанным.
Эһэ Хара аттаах
Элэс Боотур,
Үөлээннээх доҕорум,
Үтүө киһи дииллэрэ,
Өттүгүҥ үүттээх буолуо,
4840 Өлөттөрүмэ, өрүһүй,
Үтүөнү үтүөнэн төлүөм», — диир.

«Кырдьык даҕаны,
Ити сордооҕу