Page 158 - Элэс Боотур Бүөтүр Оҕотоойоп

142 П. В. ОГОТОЕВ

Ырдьыгыныырын курдук
Ыллаан киҥинэйэн барда.

Үөс Тардар

«Аар-дьаалы,
Аар-татай ини, оҕолоор’
Ол иһин даҕаны
Мин диэтэх киһи
4890 Өлбөт-сүппэт
Бүтүн оҥоруулаах
Буолуохтаах этим.
Эһэ Хара аттаах
Элэс Боотур,
Үөлээннээх доҕорум,
Өрүһүйбүтүҥ иһин
Үйэ-саас тухары өйдөнүллэр
Бастыҥ барҕа махтал буоллун!
Ол эрээри, нойоон,
4900 Дагдайбытыҥ тухары
Далай акаары,
Күөкэйбитиҥ тухары
Күдэн мэник
Эрэйдээх эбиккин.
Үтүө бухатыыр буолан баран,
Өйө суоххунан өлүөх сордоох
Сылдьаахтыыр эбиккин.
Хамса умнаһын курдук миигин
Хам кэлгийбит
4910 Ап-чарай быаларын
Биирдии-биирдии
Быта курдук
Быһыта тыыта оҕус!
Ону ылыммат буоллаххына —
Сибилигин тыыҥҥын хаайан,
Тымыргын бобон
Тыыннаахтыы сиэм,
Түргэнник сүөрэ тарт», — диэт,
Эмиэ тыынын хаайан