Page 162 - Элэс Боотур Бүөтүр Оҕотоойоп
P. 162
146 П. В. ОГОТОЕВ
Көрө түспүтэ:
Аллаах атахтаах,
Дьэллик ньилбэктээх,
Дьоруо тобуктаах,
Эрбэх эпчимнээх,
5040 Туос күүстээх,
Тэмтэрийбэт тирэхтээх
Үс ини-бии
Кытыгырас Бараанчайдар
Сатыы да буоллар,
Кинитээҕэр быдан түргэнник
Аргыардаах аллараа дайды
Аппаҥныыр айаҕыттан
Үлүскэн үлүгэрдик
Өрө кыырайан
5050 Тахсан иһэллэр эбит...
Кинилэр бэйэлээхтэр
Дохсун айаннарын тохтотон,
Ахсым айаннарын көҕүрэтэн,
Элэс Боотур
Тус иннигэр кэлэн
Туора турунан кэбиһээт,
Улахан убайдара обургу
Уордайыы бөҕөнү уордайан,
Уолугуттан ылан,
5060 Уоттаах хараҕынан
Утары көрөн,
Сирэйиттэн тэйэ,
Хараҕыттан халтарыйа,
Ыга-түүрэ,
Ыххайа былаан
Ыһыытыы -хаһыытыы,
Ыллыы-туойа турда.
Кытыгырас Бараанчай
«Көр бу! Көр бу!
Дагдайбытыҥ тухары
5070 Далай акаары,
Күскэйбитиҥ тухары
