Page 160 - Элэс Боотур Бүөтүр Оҕотоойоп

144 П. В. ОГОТОЕВ

Кини киирэн иһэрин көрөөт,
4960 Ытыы-ытыы
Элэ-была тылын
Эппитинэн барда.

Айталыын Куо

«Үс ини-бии
Кытыгырас Бараанчайдар
Былыттаах халлааҥҥа быктарбатах
Баар-суох мааны балыстарын
Былаҕайга былдьаттын.
Өһөгөйдөөх үйэҕэ үөскээбит
Үөс Тардар
4970 Өһөх Хабар
Ириэнэх суолун ирдээн
Эккирэтэн бардылар.
Куоттаран кэллэллэр эрэ
Үрүҥ тыыҥҥар өстөнүөхтэрэ,
Куота оҕус!
Тойон убайбын
Көрөн туран
Өлөттөрүөм кэриэтин
Моҥнон өлбүтүм ордук,
4980 Түргэн үлүгэрдик аттана тардыый!» — диэтэ.

Орто балтытыгар барбыта
Эмиэ үүрэн таһаарда,
Кыра балтыгар
Киирэ да соруммата.
Элэс Боотур
Эһэ Хара атын
Үрдүк мындаатыгар
Олоро түстэ да,
Куйаар кутуругун хомуйан,
4990 Салбах баһын салайан,
Өһөх Хабары эккирэтэн
Өксөкү өрүһүйбэтинэн үлүскэннээхтик,
Хахай харбаабатынан халыаннык
Харса-хабыра суох