Page 157 - Элэс Боотур Бүөтүр Оҕотоойоп
P. 157
ЭЛЭС БООТУР 141
Сааһын тухары
Түүнүктээх түрмэҕэ
Түүнүгүрдэ сытытар
Сүрүкэтэ бэрт буолсу», — дии санаат,
Элэс Боотур обургу
Киһитэ киирэн,
4850 Кирдьиктэнэ охсон
Оруобуна кини барбыт суолун устун,
Сыралыҥса Куо хоонньугар
Сындалыйбыта бэрт буолан,
Нэһиилэ үүт үктээн,
Тоҕуста кылыйан,
Тоҕуста ыстаҥалаан,
Онуһун чугуулаан,
Ап-хомуһун ампаар
Аһыллан биэрбитигэр
4860 Иһирдьэ ойон кэбистэ.
Киирэрин кытта
Үөс Тардар
Өһөх Хабар обургу
Сэттэ былас
Сиикэй тыймыыт
Ап-чарай тылынан
Суон буулаҕа моонньугар
Үс төгүл эрийэ быраҕаат,
Чиҥэттэр чиҥэтэн,
4870 Тыынын хаайан,
Тымырын бобон
Үрүҥүнэн-харанан көрдөрдө,
Өлөрөөрү ыксатта.
Элэс Боотур эрэйдээх
Көҕөрө уҥан
Туймааран түһэн эрдэҕинэ,
Тылын арыый мөлтөтөн
Тыын ылларда уонна күлэн
Былас ордуга түөс аҥара
4880 Күүрэй кэрэмэс бытыга
Төйтөс гына түстэ.
Адьарай уолун ааттааҕа
Арҕахха сытар эһэ
