Page 170 - Элэс Боотур Бүөтүр Оҕотоойоп

54

Кыайан көппөт,
Аннынан сур күүдээх
Сатаан сургуйбат
Сүдү сымара таас
Ынырык ыпсылҕаҕа
Ыы муннунан
Кэтиллэ түстэ.
5270 Киирдэр эрэ
Күнэ киирииһи,
Төнүннэр эрэ
Тыыннаах ордубат.
Кэлэр сирэ
Кэлии үүтэ буолан бүөлэннэ,
Барар сирэ
Баҕана иинэ буолан баранна.
Туту да гыныан булбакка
Туймааран турда,
5280 Турбахтыы түһээт,
Толкуйдаан тобулла.
Үөлэс үүтүн курдук
Өлүү аартыгынан
Өрө көрөн туран
Үрдүк мэҥэ халлааҥҥа
«Өрүһүйүҥ, өлөрүмэҥ!» — диэн
Үөгүлүү турда.

Элэс Боотур

«Дьиэ буо! Дьиэ буо!
Ый кыыһа
5290 Ылбалдьын удаҕан
Хотун эдьиийим,
Этэр тылым эгэлгэтин
Истэ сэргэҕэлээ!
Үс ньүкэн түгэҕин үлүгэрдээҕэ
Үөс Тардар обургу
Хоойго сытар
Холоонноох доҕорбун
Сырдык ньуурдаах
Сыралыҥса Куону