Page 173 - Элэс Боотур Бүөтүр Оҕотоойоп
P. 173
ЭЛЭС БООТУР 157
Икки иэдээннээх моһолун
Этэҥҥэ ааһан,
Эр санаата киирэн,
Өссө туох түбэһэрин туһунан
Тохтуу түһэн
Толкуйдуу да барбакка,
5380 Түргэн үлүгэрдик
Түҥнэри түҥкэлийэн
Түгэх дойдуга
Түһэ турда...
Кунан оҕус
Куолайын курдук,
Куоллараан хара аартык
Кэниэрдээх кэрис бараан дойдуга
Киирэн истэҕин аайы
Кэҥээтэр-кэҥээн
5390 Килэдийэн барыытыгар,
Киһи хараҕа саатар
Күөх чээлэй кырыстаах,
Киистэтин кэппит, киэргэммит
Кийиит курдук,
Кэрэ тыллаах,
Кэрээбэт кэҕэлээх,
Күннэри-түүннэри
Көҥүл көрүлүүр күөрэгэйдээх,
Күөх унаар түспүт
5400 Кэрэ үтүө дойдуга
Киирэн кэллэ.
Арҕастар аартык
Адьас айаҕар
Кыстык угун саҕа
Кыра балаҕан
Күөх торҕо буруота унаарыйан
Кэлэ оҕус диирдии
Күлүмүрдүү турар эбит.
Күөх солко хонууну ортотунан
5410 Куба курдук устан,
Күн курдук күлүмүрдээн,
Тыыннаах сибэкки курдук тырымнаан,
Киис гиэнин
