Page 172 - Элэс Боотур Бүөтүр Оҕотоойоп
P. 172
156 П. В. ОГОТОЕВ
Тэҥэ буолбут
Кэрэ чуор кулгааххынан
Истэ сэргэҕэлии тур эрэ, нойоон!
Бу — буом сир моһоло буолбатах,
5340 Үөс Тардар обургу
Өрүһүллэр аба-хомуһуна.
Бу — киирбит эрэ
Кэтиллэ түһэр
Кэниэрдээх кирбии.
Үөс Тардар
Өлүөр диэри
Өрүүтүн баар буолуо», — диэт,
Элэс Боотуру
Аҕыс кырыылаах
5350 Аалыскай иннэ оҥоро охсон,
Ынырык ыпсылҕа
Ырдьас гыныытыгар
Кылыр гына
Кыыратан кэбистэ.
Аҕыс кырыылаах
Аалыскай иннэ
Ох курдук
Уһуура көтөн,
Унуоргу өттүгэр
5360 Уһулу ойон эрдэҕинэ,
Сымара таас ыпсылҕа
Сыыдам үлүгэрдик
Сыста түһэн
Хахай курдук хадьырыйан,
Миэлиҥсэ курдук мэлийэн
Өргөһүн үлтүрүттэ,
Кылаанын кыларытта...
Сиргэ түһүүтүгэр
Элэс Боотур
5370 Илэ бэйэтинэн буолбутун
Бэйэтэ да билбэккэ хаалла.
Үөс Тардар
Өһөх Хабар
