Page 171 - Элэс Боотур Бүөтүр Оҕотоойоп
P. 171
ЭЛЭС БООТУР 155
5300 Уоран уккуйан барбытын
Батыһан иһэн,
Барар сирим
Баҕана иинэ буолан баранна,
Киирэр сирим
Кэлии үүтэ буолан бүөлэннэ.
Аартыгы арыйан,
Суолу тобулан,
Куоппуту ситтэр,
Түөкүнү туттар.
5310 Көрдөһөр да күттүөннээх,
Ааттаһар да ахсааннаах,
Хотун эдьиийим», — диэтэ.
Саҥарбыт саҥата
Салгыҥҥа сатараан
Сүтүөн икки ардыгар
Ый кыыһа
Ылбалдьын удаҕан
Киирэ охсубутун
Көрбөккө да хаалла,
5320 Хайы-үйэ
Дүҥүрүн тыаһа
Дүүгүнүү оонньоон,
Кыаһаанын тыаһа
Кыыгыныы кылыгыраан,
Кини диэки
Күн хараҕынан көрөн,
Күөгэл-нусхал хамсанан,
Алтан чуораан
Айаҕын аһан,
5330 Күндү көмүс
Күөмэйин көбүөхтэтэн
Кэс тылын
Кэпсээн эрэр эбит.
Ый Кыыһа Ылбалдьын удаҕан
«Этэр тылым эгэлгэтин
Икки тэргэн ыйым
