Page 174 - Элэс Боотур Бүөтүр Оҕотоойоп
P. 174
158 П. В. ОГОТОЕВ
Киргиллээҕинэн киэргэммит,
Кини кэргэнинээҕэр өссө ордукка дылы
Кэрэттэн-кэрэ бэйэлээх,
Кыыс оҕо кылаан бэрдэ
Кинини көрдө-көрбүтүнэн
Күөгэйэн - нусхайан,
5420 Күлүмнүү мичиҥнээн,
Нарын-нарыннык наскылдьыйан,
Наҕыллык хааман,
Үс ынаҕын үүрэн
Үөрэн-көтөн
Иһэр эбит.
Кэрэ бэйэлээх
Кыыс дьахтар
Кини иннигэр кэлэн
Минньигэс-минньигэстик мичилийэн,
5430 Өгүрүк-төгүрүк көрөн
Өрөөбүт уоһун өһүлэн
Үүннээх ыҥыырдаах
Үтүө тылынан
Үҥэ-сүктэ турда.
Күн Чөмчүүк
«Эһэ Хара аттаах
Элэс Боотур,
Тойон убайым,
Тус бэйэҕэр,
Тоҥ күөҥҥэр
5440 Тоҕус уон тоҕуста гоҥхолдьуйан
Дорообо буоллун!
Ким-хайа кэлэн
Дорообонон тосхойдуҥ диэтэргин,
Күн айыы оҕото
Күн Чөмчүүк диэммин.
Айан киһитэ аччыктаабытыҥ,
Суол киһитэ сындалыйбытыҥ буолуо.
Сытан сынньанан бараргар
Сымнаҕас орон,
5450 Аһаан абыранан ааһаргар
