Page 179 - Элэс Боотур Бүөтүр Оҕотоойоп
P. 179
ЧЛЭС БООТУР 163
Кыаһааннаах киэнэ
Кылааннааҕа буолбут,
Тоҕус бул ас уйуллаах
Нуолур солко суһуохтаах
Күн кыыһа
Күөгэлдьин удаҕан
Кыһыл көмүс
Кыаһааннаах таҥаһын
Кыыгыначчы кэтэн,
5610 Кыыһар былыт үрдүгэр
Күөгэл-нусхал хамсана,
Кыыран кыҥырыы-чаҥырыы,
Кыаһаана кыыгыныы,
Чуораана чугдаара,
Дүҥүрэ дүүгүнүү турда.
Күн Кыыһа Күөгэлдьин удаҕан
«Түспүт күөрэйбэт,
Тимирбит тахсыбат,
Өлүөр киһи өрүһүллүбэт,
Өлүү бадылҕах бадараан иччитэ,
5620 Ап-хомуһун аҕата,
Аллара дайды
Аҥаарыйар ааттааҕа,
Аҕыс анньар инньэлээх,
Тоҕус тоҥсуйар тумустаах
Дуолан Дуксуула обургу
Эн бэйэлээх
Тоҕус хос чампарыктаах
Таллан таас оройгун
Таба ньаҕыдыйдаҕым буоллун.
5630 Үс хара бараа күлүккэр
Үҥэн-сүктэн көрдөһөбүн,
Үүс кыыл тириитэ буолан мөлбөй,
Сыалыһар быара буолан сылаанньый,
Ылбыккын ыһыгын,
Туппуккун төлөрүт!
Эн бэйэлээх
Бэлиэ бэлэскэр
