Page 181 - Элэс Боотур Бүөтүр Оҕотоойоп

ЭЛЭС БООТУР 165

Аҕыс хаттыгастаах
Арилы маҥан халлаан
Аҕата буолбут,
5680 Тоҕус хаттыгастаах
Добун маҥан халлаан
Тойоно буолбут,
Аан дойдуну айбыт,
Айыы аймаҕын араҥаччылааччы,
Күн улууһун көмүскээччи,
Үүттээх таас олбохтоох,
Үрүҥ илгэ олохтоох,
Үкэр куйаас тыыннаах,
Үүс кыыл тириитэ өлбүргэлээх
5690 Үрдүк нуоҕай бэргэһэлээх
Үрүҥ Аар Тойон илдьитин
Этэ, эҥсэ олордо.

Күн Кыыһа Күөгэлдьин удаҕан

«Эһэ Хара аттаах
Элэс Боотур, нойоон!
Икки тэргэн ыйым тэҥэ буолбут
Икки кэрэ чуор кулгааххынан
Этэр тылым эгэлгэтин
Истэ, сэргэҕэлии тур эрэ!
Ахсымҥын аччатан,
5700 Дохсуҥнун тохтотон,
Өлөргүн-тиллэргин өйдөөн,
Өйдөөхтүк сылдьыаҥ үһү.
Сүгэ-балта тыллаах
Сүҥ Дьааһыннар
Сүдү сүбэлэрин
Түөн саҕа
Төбөҥ оройугар түһэрэн,
Толкуйдаахтык сырыт.
Үрүҥ Аар Тойон
5710 Өлөр-хаалар күнүгэр
Өрүһүлүннүн диэн
Үрүҥ илгэни ыытта,
Айаххын атан тур», — диэт,