Page 180 - Элэс Боотур Бүөтүр Оҕотоойоп
P. 180
Бэлэх биэрэбин», — диэт,
Аллараа дойду
5640 Атыыр чохутун
Атыыр оҕус оҥоро охсон
Алл ара кыыратта.
Бырахпыт бэлэҕэ
Өлүү бадылҕах бадараан
Оруобуна ортотугар тиийэн
Оройунан түстэ.
Тоҕус тумус
Тэҥҥэ чолох гынна,
Биэрбит бэлэҕэ
5650 Биирдэ мэлис гынна.
Ыар сыҥаах ыллаҥнаата,
Тимир тиис тиниктээтэ,
Айах тыаһа чамырҕаата,
Куолай тыаһа куллурҕаата.
Махтал бэлиэтэ буолуо,
Өлүү бадылҕах бадараан
Куотан эрэр күөс курдук
Өрө үллэн таҕыста,
Тимирэн турар киһи
5660 Эмиийин кэрэтигэр диэри
Эгдэс гына түстэ,
Иккис үллүүтүгэр
Курданарыгар диэри
Кугдас гына түстэ,
Үһүс түллүүтүгэр
Түү мээчиктээҕэр чэпчэкитик
Үөһэ эһиллэн хаалла.
Күөгэлдьин удаҕан
Күүтэн турар эбит —
5670 Дүҥүрүн үрдүгэр
Түһэрэ охсон ылаат,
Тараҕай таас хайа
Төбөтүгэр таһааран
Туруоран кэбистэ...
Үрдүк былыт
Үрдүгэр олорон,
