Page 176 - Элэс Боотур Бүөтүр Оҕотоойоп
P. 176
160 П. В. ОГОТОЕВ
Бэлэһэ оҥойбутунан
5490 Умса өҥөйөн туран,
Айаҕа хайдыаҕынан алларастыы,
Ыһыытыы-хаһыытыы,
Ыллыы-туойа
Ыһылла турар эбит.
Абааһы Кыыһа
«Иһиликпин-таһылыкпын,
Иэхэйикпин-чуохайыкпын
Эминэ туомуй!
Айыы оҕотун ааттааҕа,
Акаары буолан алдьанныҥ.
5500 Аллараа дойдуга
Айыы кыыһа
Олохсуйан олорорун
Хаһан, ханна истибит
Хоҥ мэйиигиний ?
Өһөх Хабар обургу
Икки моһолун
Этэҥҥэ ааһан баран,
Үсүһүгэр кэлэн
Өйө суоххуттан
5510 Өлө оонньоотуҥ.
Киһини барытын итэҕэйэр
Кураанах төбө,
Кэһэйдиҥ ини!» — дии-дии
Күлэн күллэрэстиир.
Аллара түһэн истэҕин аайы
Абааһы Кыыһын алларастыыра
Аччаатар-аччаан,
Симэлийдэр-симэлийэн
Сүтэн хаалла.
5520 Төһө өр
Төбөтүн оройунан
Түҥнэри түҥкэлийэн түспүтүн
Бэйэтэ да билбэт,
Биирдэ өйдөнөн кэлбитэ:
