Page 184 - Элэс Боотур Бүөтүр Оҕотоойоп
P. 184
168 П. В. ОГОТОЕВ
Бүдүгүрэн турар эбит.
Эһэ Хара аттаах
Элэс Боотур
Сарбаҥныыр сараһыннаах,
Сиир симиэттээх,
Сордоох-муҥнаах
Сүдү суолу
5800 Сототунан солоон,
Эрэйдээх-буруйдаах,
Эриирдээх-мускуурдаах,
Энэлгэннээх-сыналҕаннаах,
Өлөр-өлүү аартыгын
Эҥэринэн тэлэн,
Ыы-дьаар сыттаах,
Ыар ынчыктаах,
Ытырыык ыт курдук
Ырдьыгыныы көрсөр
5810 Ынырык ыллыктары
Ыы-муннунан тыыран,
Түүнэ-күнүһэ биллибэт
Тумарык туман дойду устун
Т ү үннэри - күннэри
Түһэн истэ.
Өлүү уолун үлүгэрдээҕэ
Үөс Тардар
Өһөх Хабар обургу
Аҕыс адьырҕа эһэни
5820 Таҥнарыта тамнааттаабыт курдук
Аҥхарааттаах аартык
Анараа дьайыҥар,
Тоҕус сур бөрөнү
Субуччу туппут курдук
Суостаах суорба хаан аартык
Нөҥүө өттүгэр,
Кэниэрдээх, кырыыстаах
Кэрис-бараан дойду
Кэтэх өттүгэр,
5830 Күөлү-баалы улууһун
Улаҕа уһугар
Олохсуйан олорбут
